Naýryz aiyndaǵy aimaqtardaǵy infliatsiialyq úrdister týraly UB Aqsha-kredit saiasaty departamenti naqty sektordyń monitoringi basqarmasynyń bastyǵy Igor Osipov túsindirdi, dep habarlaidy "Ult aqparat".
2022 jylǵy naýryzda elde jyldyq infliatsiia jedeldep, 12,0% (aqpanda – 8,7%) qurady. Aimaqtarda jyldyq infliatsiia barlyq 17 óńirde jedeldedi.
Aqtóbe oblysy (aqpandaǵy 9,0%-dan naýryzda 12,9%-ǵa deiin) men Shymkent qalasynda (8,5%-dan 12,4%-ǵa deiin) bul úrdis anyq baiqaldy.
Naýryzda azyq-túlik baǵasynyń ósý qarqyny 15,4%-ǵa deiin (aqpanda – 10,0%) ulǵaidy. Osy toptaǵy taýarlar baǵasynyń eń joǵary ósimi Aqtóbe oblysynda (18,5%) tirkeldi.
Azyq-túlikke jatpaityn taýarlar baǵasynyń ósý qarqyny da 10,9%-ǵa deiin (aqpanda – 8,6%) ulǵaidy. Eń joǵary mán Aqmola oblysynda (12,4%), eń az mán Batys Qazaqstan oblysynda (9,2%) tirkeldi.
Aqyly qyzmet baǵasy naýryzda 8,3%-ǵa ósti (aqpanda – 7,1%), bul rette jalpy respýblikalyq deńgeiden birshama joǵary baǵa – Almaty oblysynda jáne Batys Qazaqstan oblysynda (9,4%-dan), al birshama tómen – Aqtóbe oblysynda (5,9%) ósti.
Elde ailyq infliatsiia 3,7% boldy, bul – sońǵy 5 jylda (2017-2021 jyldary: 0,6%) naýryzdaǵy baǵanyń ortasha máninen joǵary. Óziniń ortasha tarihi normalaryna qaraǵanda, 2022 jyly naýryzda baǵa barlyq 17 óńirde ósti. Ailyq infliatsiianyń aitarlyqtai ósý qarqyny Shymkent qalasynda (4,3%) tirkeldi.
