ناۋرىز ايىنداعى ايماقتارداعى ينفلياتسييالىق ٷردٸستەر تۋرالى ۇب اقشا-كرەديت ساياساتى دەپارتامەنتٸ ناقتى سەكتوردىڭ مونيتورينگٸ باسقارماسىنىڭ باستىعى يگور وسيپوۆ تٷسٸندٸردٸ, دەپ حابارلايدى "ۇلت اقپارات".
2022 جىلعى ناۋرىزدا ەلدە جىلدىق ينفلياتسييا جەدەلدەپ, 12,0% (اقپاندا – 8,7%) قۇرادى. ايماقتاردا جىلدىق ينفلياتسييا بارلىق 17 ٶڭٸردە جەدەلدەدٸ.
اقتٶبە وبلىسى (اقپانداعى 9,0%-دان ناۋرىزدا 12,9%-عا دەيٸن) مەن شىمكەنت قالاسىندا (8,5%-دان 12,4%-عا دەيٸن) بۇل ٷردٸس انىق بايقالدى.
ناۋرىزدا ازىق-تٷلٸك باعاسىنىڭ ٶسۋ قارقىنى 15,4%-عا دەيٸن (اقپاندا – 10,0%) ۇلعايدى. وسى توپتاعى تاۋارلار باعاسىنىڭ ەڭ جوعارى ٶسٸمٸ اقتٶبە وبلىسىندا (18,5%) تٸركەلدٸ.
ازىق-تٷلٸككە جاتپايتىن تاۋارلار باعاسىنىڭ ٶسۋ قارقىنى دا 10,9%-عا دەيٸن (اقپاندا – 8,6%) ۇلعايدى. ەڭ جوعارى مەن اقمولا وبلىسىندا (12,4%), ەڭ از مەن باتىس قازاقستان وبلىسىندا (9,2%) تٸركەلدٸ.
اقىلى قىزمەت باعاسى ناۋرىزدا 8,3%-عا ٶستٸ (اقپاندا – 7,1%), بۇل رەتتە جالپى رەسپۋبليكالىق دەڭگەيدەن بٸرشاما جوعارى باعا – الماتى وبلىسىندا جەنە باتىس قازاقستان وبلىسىندا (9,4%-دان), ال بٸرشاما تٶمەن – اقتٶبە وبلىسىندا (5,9%) ٶستٸ.
ەلدە ايلىق ينفلياتسييا 3,7% بولدى, بۇل – سوڭعى 5 جىلدا (2017-2021 جىلدارى: 0,6%) ناۋرىزداعى باعانىڭ ورتاشا مەنٸنەن جوعارى. ٶزٸنٸڭ ورتاشا تاريحي نورمالارىنا قاراعاندا, 2022 جىلى ناۋرىزدا باعا بارلىق 17 ٶڭٸردە ٶستٸ. ايلىق ينفلياتسييانىڭ ايتارلىقتاي ٶسۋ قارقىنى شىمكەنت قالاسىندا (4,3%) تٸركەلدٸ.
