Foto: Úkimet
Halyqtyń áleýmettik osal toptary úshin 7,2 myńǵa jýyq páter satyp alyndy, al «Naýryz» jáne «Naýryz Jumysker» baǵdarlamalary aiasynda 205,7 mlrd teńge kóleminde qaryzdar berildi, dep habarlaidy Ult.kz.
Úkimettiń jyl qorytyndysyna arnalǵan baspasóz máslihatynda ónerkásip jáne qurylys vitse-ministri Qýandyq Qajkenov turǵyn úi salasynda memlekettik qoldaý sharalaryn júzege asyrý qorytyndylary týraly baiandady.
Spiker kezekte turǵandardy esepke alý tetikterin «Otbasy bankine» berý protsesti ashyq etýge múmkindik bergenin atap ótti. Qazirgi ýaqytta kezekte 960 myńnan astam azamat tur.
«Memleket turǵyn úidi jalǵa berý isin sýbsidiialaýdy jalǵastyrýda, atalǵan sharany 11 myńnan astam azamat paidalandy, oǵan biýdjetten 7,6 mlrd teńge bólindi. Sonymen qatar jyldyq mólsherleme 2% jáne 5%-ben 4,9 myń jeńildetilgen qaryz berildi», — dedi Qýandyq Qajkenov.
