Elimizde naýryz aiynda qaýipti aýmaqtarda jumys istep júrgen 16 myńǵa tarta meditsinalyq qyzmetker ústeme aldy, dep habarlaidy QazAqparat.
«Memleket basshysynyń sanitarlyq-epidemiologiialyq saladaǵy kúrdeli kezeńde eńbek etip jatqan dárigerlerdi qarjylai qoldaý týraly tapsyrmasyna sáikes 40 mlrd 400 mln teńge bólindi. Koronavirýs infektsiiasymen kúreske tartylǵan meditsina qyzmetkerlerine naýryz aiynda barlyq 17 aimaqta ústemeaqy berildi», - dedi Qazaqstannyń bas memlekettik sanitar dárigeri Aijan Esmaǵambetova OKQ-da onlain rejimde ótken baspasóz máslihatynda.
Onyń aitýynsha, meditsina qyzmetkerlerine osy maqsatta 3 mlrd 200 mln teńge aýdarylǵan.
«Naýryz aiynda koronavirýs infektsiiasyn juqtyrý qaýpiniń dárejesine qarai úsh toptaǵy 16 453 qyzmetkerge ústemeaqy aýdaryldy. Qaýiptiń birinshi tobyndaǵy 1 366 adam, ekinshi tobyndaǵy 7 186 adam jáne úshinshi tobyndaǵy 7 901 adam ústemeaqyǵa ie boldy», - dedi ol.
Aita keteiik, QR Prezidenti Qasym-Jomart Toqaev sanitarlyq-epidemiologiialyq saladaǵy kúrdeli kezeńde eńbek etip jatqan dárigerlerdi qarjylai qoldaýdyń jańa paketi qajet ekenin aitqan bolatyn.
Naýryzdyń 30-nan bastap Memleket basshysynyń tapsyrmasyn oryndaý sheńberinde memlekettik komissiia epidemiiaǵa qarsy kúresip jatqan meditsina qyzmetkerlerine ai saiyn eńbekaqylaryna belgili mqlsherde ústemeaqy tóleý týraly sheshimdi bekitti. Osy buiryqqa sáikes, táýekeldiń úsh toby anyqtalyp, olar 380 myń teńgeden 850 myń teńgege deiin ústemeaqy alýy tiis.
