Almaty qalasynyń turǵyny Nazym Iýnýsov qalalyq №12 aýrýhanasynda bolǵanda Denis Tenniń ómirdiń sońǵy sátterinde kórgenin aitty, - dep habarlaidy Tengrinews.kz tilshisi.
Jigit óz oqiǵasyn Instagram jelisindegi paraqshasynda jariialady.
"Jedel járdem túrli naýqastardy jetkizedi. Munda bir naýqasty alyp keldi, janynda dárigerler kóp, kóz qiyǵymdy salyp edim, qansyraǵan aiaqty kórdim, qaita buryldym, qaraý qorqynyshty boldy", - dep esine aldy Nazym.
Onyń aitýynsha, keiin "Olimpiada chempiony" degen sóz onyń nazaryn aýdarǵan.
"Meniń Olimpiada chempiony bolǵan dosym bar. Sol sebepten naýqas jaqqa qaita kózimdi saldym. Nátijesinde ... Denisti shamamen bir metr alshaqta kórdim. Sezimimdi, onda bolǵan jaǵdaidy qalai jetkizerimdi bilmeimin. Men Denispen tanys bolmadym, biraq ol týraly kóp jaǵymdy sózder estigenmin. Senimmen aita alamyn, dárigerler qolynan kelgenniń barlyǵyn jasady, meniń oiymsha. Olardyń sany óte kóp boldy", - dedi er jigit.
Nazym Iýnýsov figýristiń otbasy men dostaryna kóńil aitty.
Eske salaiyq, 19 shildede Almatyda belgisiz bireýler Denis Tendi pyshaqtap ketken bolatyn. Oqiǵa shamamen 15.00-de Qurmanǵazy men Baiseiitova kósheleriniń qiylysynda bolǵan. Keiin qalalyq IID ókilderi Denis Tenge avtourylar shabýyl jasaǵanyn málimdedi. Sóitsek, sportshy urylardyń ústinen túsken bolyp shyqty. Janjal kezinde sportshynyń aiaǵyna pyshaq tiip, kóp qan joǵaltqan. Ol aýrýhanada kóz jumdy.
