Qazaq halqyna tán asharshylyqtyń óz deńgeiinde zerttelmei jatyr. Bul týraly búgin elordada ótken «Qazaqstan: tarihi taǵylym saiasaty» halyqaralyq online-konferentsiiasynda aityldy, dep habarlaidy QazAqparat.
«Saiasi qýǵyn-súrgin qurbandaryn eske alý 1997 jyldan beri bizdiń memleketimizde keshendi túrde júzege asyrylyp kele jatyr. Búgingi halyqaralyq konferentsiiaǵa tek qana Qazaqstan ǵalymdary ǵana emes, TMD elderiniń jáne basqa da shetel ǵalymdary qatysýda. Biz árqashan tarihtan sabaq alýymyz kerek. Tarihymyzdyń jaqsy jaqtaryn ǵana emes, kóleńkeli jaqtaryn da zerdelei bilsek – úlken maqsattarǵa jetetin joldy ashamyz», - deidi QR Parlament Májilisiniń depýtaty Núrlan Dýlatbekov.
Onyń aitýynsha, mundai konferentsiia Semei, Shymkent, Mańǵystaý, Qaraǵandyda ótken. Búgingi konferentsiia sonyń qorytyndysy deýge bolady.
«Saiasi repressiia osy ýaqytqa deiin zerttelip keldi, biraq qazaq halqyna tán asharshylyqtyń óz deńgeiinde zerttelmei jatqany meni tolǵandyrady. Sol náýbetten qazaq halqynyń jartysyna jýyǵy qaza tabýy bárimizdiń qabyrǵamyzdy qaiystyryp, júregimizdi aýyrtady. Osyny dáleldep, baǵa beretin ǵylymi eńbek, monografiia jazdyq pa? Osy baǵytta kóp jumys isteýimiz kerek. Qazirgi pandemiiia jaǵdaiyna qaramastan osy taqyrypty taǵy bir elep-ekshep, kórsetýimiz durys boldy dep oilaimyn», - deidi ol.
