"Resei men Belarýstiń keiingi ýaqyttaǵy qarym-qatynasy NATO-ny alańdatyp otyr" dedi áskeri odaqtyń bas hatshysy Iens Stoltenberg.
Welt am Sonntag nemis basylymyna bergen suhbatynda ol NATO elderi Resei prezidenti Vladimir Pýtin men Belarýsti basqaryp otyrǵan Aleksandr Lýkashenko qarym-qatynasynyń kúsheigenine alańdaýshylyq bildiredi dedi.
NATO bas hatshysynyń sózinshe, bul qarym-qatynasta Belarýstiń Reseige táýeldigi kúsheiip barady.
Stolenberg Máskeý men Minskini NATO odaǵynyń shyǵys bóligindegi jaǵdaidy ýshyqtyrmaýǵa shaqyrdy, qajet bolǵan jaǵdaida odaqtyń qorǵanýǵa daiyn ekenin eskertti.
Bas hatshy sondai-aq Resei men Qytaidyń saiasi jáne áskeri áriptestigin kúsheitip jatqanyn atap ótti. Onyń sózinshe, Máskeý men Pekin keiingi ýaqytta halyqaralyq uiymdardaǵy qadamdaryn ózara aqyldasyp, ortaq áskeri jiyndar ótkizedi, qarý-jaraq pen internetti baqylaý salasynda tájiribe almasady.
"Bul - jańa ólshem jáne salmaqty qater" dedi ol.
Baspasóz quraldarynyń habarlaýynsha, "Reseidiń agressiialy áreketteri", Qytaidyń kúsheiýine bailanysty qaýipsizdik salasyndaǵy halyqaralyq ózgerister NATO-nyń 14 maýsymǵa belgilengen sammitinde bas taqyryptardyń biri bolmaq. Sammitke AQSh prezidenti Djo Baiden de qatysady. Jiynda Belarýstegi jaǵdai da talqylanbaq.
