"رەسەي مەن بەلارۋستٸڭ كەيٸنگٸ ۋاقىتتاعى قارىم-قاتىناسى ناتو-نى الاڭداتىپ وتىر" دەدٸ ەسكەري وداقتىڭ باس حاتشىسى يەنس ستولتەنبەرگ.
Welt am Sonntag نەمٸس باسىلىمىنا بەرگەن سۇحباتىندا ول ناتو ەلدەرٸ رەسەي پرەزيدەنتٸ ۆلاديمير پۋتين مەن بەلارۋستٸ باسقارىپ وتىرعان الەكساندر لۋكاشەنكو قارىم-قاتىناسىنىڭ كٷشەيگەنٸنە الاڭداۋشىلىق بٸلدٸرەدٸ دەدٸ.
ناتو باس حاتشىسىنىڭ سٶزٸنشە, بۇل قارىم-قاتىناستا بەلارۋستٸڭ رەسەيگە تەۋەلدٸگٸ كٷشەيٸپ بارادى.
ستولەنبەرگ مەسكەۋ مەن مينسكٸنٸ ناتو وداعىنىڭ شىعىس بٶلٸگٸندەگٸ جاعدايدى ۋشىقتىرماۋعا شاقىردى, قاجەت بولعان جاعدايدا وداقتىڭ قورعانۋعا دايىن ەكەنٸن ەسكەرتتٸ.
باس حاتشى سونداي-اق رەسەي مەن قىتايدىڭ ساياسي جەنە ەسكەري ەرٸپتەستٸگٸن كٷشەيتٸپ جاتقانىن اتاپ ٶتتٸ. ونىڭ سٶزٸنشە, مەسكەۋ مەن پەكين كەيٸنگٸ ۋاقىتتا حالىقارالىق ۇيىمدارداعى قادامدارىن ٶزارا اقىلداسىپ, ورتاق ەسكەري جيىندار ٶتكٸزەدٸ, قارۋ-جاراق پەن ينتەرنەتتٸ باقىلاۋ سالاسىندا تەجٸريبە الماسادى.
"بۇل - جاڭا ٶلشەم جەنە سالماقتى قاتەر" دەدٸ ول.
باسپاسٶز قۇرالدارىنىڭ حابارلاۋىنشا, "رەسەيدٸڭ اگرەسسييالى ەرەكەتتەرٸ", قىتايدىڭ كٷشەيۋٸنە بايلانىستى قاۋٸپسٸزدٸك سالاسىنداعى حالىقارالىق ٶزگەرٸستەر ناتو-نىڭ 14 ماۋسىمعا بەلگٸلەنگەن سامميتٸندە باس تاقىرىپتاردىڭ بٸرٸ بولماق. سامميتكە اقش پرەزيدەنتٸ دجو بايدەن دە قاتىسادى. جيىندا بەلارۋستەگٸ جاعداي دا تالقىلانباق.
