Narynqolda Muqaǵali Maqataevqa eskertkish ornatylady, - dep habarlaidy "Ult aqparat".
Almaty oblysynyń ákimi Amandyq Batalov jańadan qurylǵan Raiymbek aýdanynyń odan ári damýyna budan ári de jaǵdai jasalatynyn aityp, Muqaǵali Maqataevtyń 90 jyldyǵyna tyńǵylyqty daiyndyq jasaý kerektigin aitty.
«Aqynnyń toiyna jan-jaqtan kelgen kópshilik Raiymbek aýdanynyń eki jyl ishinde qalai ósip-órkendegenin de kórip qaitady. Sondyqtan Qarasaz aýylynda qandai nysandardy jóndeý kerek, qandai kórkeitý jumystary júrgizilýi kerek, mereitoi qalai ótkiziledi, barlyǵyn túgeldei qamtyp, tolyqqandy jospar jasaý qajet», - dedi A. Batalov.
Esterińizge sala keteiik, kelesi jyly aqiyq aqyn Muqaǵali Maqataevtyń 90 jyldyǵyna orai Qarasaz aýylyndaǵy óner mektebin qaita salý, osy aýyldaǵy Barmanbekuly atyndaǵy mektepti jóndeý, eldi mekendi abattandyrý sharalaryna qarjy qarastyrylyp, Narynqolda aqynnyń eskertkishin qoiylyp, onyń mańaiy da tolyq abattandyrylmaq.
