Nariman Júnisov QR EGTRM Balyq sharýashylyǵy komitetiniń tóraǵasy bolyp taǵaiyndaldy. Bul týraly QR Premer-Ministriniń baspasóz qyzmeti habarlady.
Nariman Júnisov 1981 jyly týǵan. Omby memlekettik agrarlyq ýniversitetin (2003), Qaztutynýodaǵy Qaraǵandy ekonomikalyq ýniversitetin (2007) bitirgen.
2019 jyly S. Seifýllin atyndaǵy Qazaq agrotehnikalyq ýniversitetin «balyq sharýashylyǵy jáne ónerkásiptik balyq aýlaý» mamandyǵy boiynsha bitirgen. Eńbek jolyn 2004 jyly jekemenshik sektorda bastaǵan.
2007 jyldan 2013 jyl aralyǵynda QR Aýyl sharýashylyǵy ministrliginiń Balyq sharýashylyǵy komitetinde túrli laýazymdarda jumys istedi.
2013-2014 jj. – QR Qorshaǵan orta jáne sý resýrstary ministrliginiń Balyq sharýashylyǵy komiteti tóraǵasynyń orynbasary.
2014-2016 jj. – QR Aýyl sharýashylyǵy ministrligi Orman sharýashylyǵy jáne janýarlar dúniesi komiteti tóraǵasynyń orynbasary.
2016-2019 jj. – QR Aýyl sharýashylyǵy jáne janýarlar dúniesi ministrligi Orman sharýashylyǵy jáne janýarlar dúniesi komitetiniń balyq resýrstaryn molaitý jáne akvaósirý basqarmasynyń basshysy.
2019 jylǵy maýsymnan qyrkúiekke deiin — QR Ekologiia, geologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetiniń Pavlodar oblystyq orman sharýashylyǵy jáne janýarlar dúniesi aýmaqtyq inspektsiiasynyń basshysy.
2019 jylǵy qyrkúiekten bastap QR Ekologiia, geologiia jáne tabiǵi resýrstar ministrliginiń Orman sharýashylyǵy jáne janýarlar dúniesi komiteti tóraǵasynyń orynbasary boldy.
