Almaty qalalyq Qoǵamdyq densaýlyq basqarmasynyń basshysy Nariman Tabynbaev pen qalalyq Sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin onlain brifing barysynda qandai vaktsina saldyratynyn aitty, dep habarlaidy "Ult aqparat".
Nariman Tabynbaev óziniń koronavirýs juqtyryp, jazylyp shyqqanyn jetkizdi.
«Men jaqynda aýyryp turdym. Taiaýda antidenelerge titr tapsyrdym. Taldaý qorytyndysy boiynsha onyń mólsheri jaqsy. Biraz ýaqyt ótken soń taǵy tapsyryp kóremin. Eger qajettilik bolsa, reseilik «Spýtnik V» vaktsinasyn saldyramyn», - dedi Nariman Tabynbaev.
Al Jandarbek Bekshin koronavirýspen 7 ai buryn aýyrǵanyn aitty.
«Kórsetilim boiynsha 6 ai ótken bolsa, mindetti túrde ekpe alý kerek. Alaida vaktsina óte az, jetkiliksiz. Men qazaqstandyq, otandyq vaktsina QazCovid-In-di saldyramyn dep otyrmyn. Sebebi men úshin tuńǵysh qazaqstandyq vaktsinanyń sapasy qyzyqtyrady. Bul vaktsinany 70 jyldyq tarihy bar institýt shyǵaryp otyr. Sondyqtan men mamandarǵa senemin», - dedi Bekshin.
