الماتى قالالىق قوعامدىق دەنساۋلىق باسقارماسىنىڭ باسشىسى ناريمان تابىنباەۆ پەن قالالىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى, قالانىڭ باس مەملەكەتتٸك سانيتار دەرٸگەرٸ جانداربەك بەكشين ونلاين بريفينگ بارىسىندا قانداي ۆاكتسينا سالدىراتىنىن ايتتى, دەپ حابارلايدى "ۇلت اقپارات".
ناريمان تابىنباەۆ ٶزٸنٸڭ كوروناۆيرۋس جۇقتىرىپ, جازىلىپ شىققانىن جەتكٸزدٸ.
«مەن جاقىندا اۋىرىپ تۇردىم. تاياۋدا انتيدەنەلەرگە تيتر تاپسىردىم. تالداۋ قورىتىندىسى بويىنشا ونىڭ مٶلشەرٸ جاقسى. بٸراز ۋاقىت ٶتكەن سوڭ تاعى تاپسىرىپ كٶرەمٸن. ەگەر قاجەتتٸلٸك بولسا, رەسەيلٸك «سپۋتنيك V» ۆاكتسيناسىن سالدىرامىن», - دەدٸ ناريمان تابىنباەۆ.
ال جانداربەك بەكشين كوروناۆيرۋسپەن 7 اي بۇرىن اۋىرعانىن ايتتى.
«كٶرسەتٸلٸم بويىنشا 6 اي ٶتكەن بولسا, مٸندەتتٸ تٷردە ەكپە الۋ كەرەك. الايدا ۆاكتسينا ٶتە از, جەتكٸلٸكسٸز. مەن قازاقستاندىق, وتاندىق ۆاكتسينا QazCovid-In-دٸ سالدىرامىن دەپ وتىرمىن. سەبەبٸ مەن ٷشٸن تۇڭعىش قازاقستاندىق ۆاكتسينانىڭ ساپاسى قىزىقتىرادى. بۇل ۆاكتسينانى 70 جىلدىق تاريحى بار ينستيتۋت شىعارىپ وتىر. سوندىقتان مەن ماماندارعا سەنەمٸن», - دەدٸ بەكشين.
