Ádilet ministrliginde «Namys» partiiasyn tirkeý máselesi qaralyp jatyr. Bul týraly vitse-ministr Alma Muqanova Ortalyq kommýnikatsiialar qyzmetinde ótken brifingte aitty, dep habarlaidy QazAqparat.
«Meniń bilýimshe, qazir «Namys» partiiasyn tirkeý máselesi qarastyrylyp jatyr. Qazirgi tańda tirkelgen 6 partiia bar. Taǵy birneshe partiiany tirkeý jumystary 2019 jyly bastalǵanyn bilesizder. Biraq qujattaryndaǵy keibir sáikessizdikterge bailanysty olardy tirkeý jumystary toqtatylǵan bolatyn», - dedi ministrdiń orynbasary.
Sondai-aq, ol Elbasy týraly konstitýtsiialyq zań kúshin joisa, Prezient týraly konstitýtsiialyq zań eks-prezident Nursultan Nazarbaevqa tiisti kepildikter beretinin aitty.
«Búkil eks-prezidentterdi qamtityn norma tiisti konstitýtsiialyq zańda bar. Elbasy týraly zań jobasy joiylsa da, bizde Prezident týraly konstitýtsiialyq zań jobasynda tiisti kepildikterdi qamtityn normalar bar», - dedi Alma Muqanova.
