Astanada meshitte kelýshiniń telefonyn urlady degen kúdikpen 36 jastaǵy er adam ustaldy. Bul týraly Polisia.kz jazdy, dep habarlaidy ult.kz.
Politsiianyń málimetinshe, kúdikti meshit aýmaǵynda túnep júrgen. Ol namaz oqyp turǵan azamattyń alańsyz sátin paidalanyp, edende turǵan barsetkanyń ishinen iPhone 13 uialy telefonyn jasyryn túrde alyp ketken.
Qylmys jasaǵannan keiin kúdikti oqiǵa ornynan izin sýytqan. Alaida beinebaqylaý kameralarynyń kómegimen onyń jeke basy anyqtaldy.
Jedel-izdestirý sharalary barysynda er adam elorda kósheleriniń birinen ustaldy. Urlanǵan telefon tárkilenip, zańdy iesine qaitaryldy.
Atalǵan derek boiynsha sotqa deiingi tergeý bastaldy. Politsiia qoǵamdyq oryndarda jeke zattardy qaraýsyz qaldyrmaýǵa jáne baǵaly múlikke muqiiat bolýǵa shaqyrdy.
