Nalchik qalasy okrýginiń aýmaǵynda kontrterroristik operatsiia rejimi (KTO) engizildi. Bul týraly tilshilerge Kabardin-Balqar jedel shtabynan málim etti, dep habarlaidy "Ult aqparat" TASS agenttigine silteme jasap.
«Federaldyq zańnyń № 35-FZ 2006 jylǵy 6 naýryzdaǵy «Lańkesttikke qarsylyq týraly» talaptaryn basshylyqqa ala otyryp, lańkestik aktiniń jolyn boldyrmaý jáne ony ashý, saldaryn azaitý jáne tulǵa, qoǵam jáne memlekettiń ómirlik mańyzdy múddelerin qorǵaý maqsatynda Resei Federatsiiasy Kabardin-Balqar Respýblikasy boiynsha Federaldyq qaýipsizdik qyzmeti basqarmasynyń bastyǵy, general-maior S.V.Voronin 2021 jylǵy 3 shilde kúngi saǵat 03:15-ten bastap Nalchik qalalyq okrýginiń Bittirov, Kanýkoev, Tsentralnaia, Jabelo kóshelerimen shekteletin baqsha ýchaskeleri aýdanynda kontrterroristik operatsiianyń quqyqtyq rejimin engizý sheshimin qabyldady», - delingen habarlamada.
Saǵat 2021 jylǵy 3 shildedegi saǵat 05:20-dan bastap kontrterroristik operatsiianyń quqyqtyq rejimi sondai-aq kelesi shekaralarda engiziledi: Baksan qalalyq okrýginiń shyǵys tóńiregi (Konechnaia kóshesi) - A-158 kúre joly (Prohladnyi - Baksan) – Baksanenok aýyldyq mekenniń batys tóńiregi (Promyshlennaia kóshesi) – Baksan ózeniniń alqaby.
Jedel shtab málimetinshe, KTO rejimi kezeńinde atalǵan aýmaqta erekshe buiryq berilmegenshe birqatar sharalar men ýaqytsha shekteýler engiziledi: jeke tulǵalardyń qujattary tekserilip, qoǵamdyq tártipti qorǵaý kúsheitiledi, telefon áńgimeleri qadaǵalanady, al qajet bolǵan jaǵdaida KTO rejimi engizilgen aýmaqta turyp jatqan jeke tulǵalar ýaqytsha kóshiriledi.
