نالچيك قالاسى وكرۋگٸنٸڭ اۋماعىندا كونترتەرروريستٸك وپەراتسييا رەجيمٸ (كتو) ەنگٸزٸلدٸ. بۇل تۋرالى تٸلشٸلەرگە كاباردين-بالقار جەدەل شتابىنان مەلٸم ەتتٸ, دەپ حابارلايدى "ۇلت اقپارات" تاسس اگەنتتٸگٸنە سٸلتەمە جاساپ.
«فەدەرالدىق زاڭنىڭ № 35-فز 2006 جىلعى 6 ناۋرىزداعى «لاڭكەستتٸككە قارسىلىق تۋرالى» تالاپتارىن باسشىلىققا الا وتىرىپ, لاڭكەستٸك اكتٸنٸڭ جولىن بولدىرماۋ جەنە ونى اشۋ, سالدارىن ازايتۋ جەنە تۇلعا, قوعام جەنە مەملەكەتتٸڭ ٶمٸرلٸك ماڭىزدى مٷددەلەرٸن قورعاۋ ماقساتىندا رەسەي فەدەراتسيياسى كاباردين-بالقار رەسپۋبليكاسى بويىنشا فەدەرالدىق قاۋٸپسٸزدٸك قىزمەتٸ باسقارماسىنىڭ باستىعى, گەنەرال-مايور س.ۆ.ۆورونين 2021 جىلعى 3 شٸلدە كٷنگٸ ساعات 03:15-تەن باستاپ نالچيك قالالىق وكرۋگٸنٸڭ بيتتيروۆ, كانۋكوەۆ, تسەنترالنايا, جابەلو كٶشەلەرٸمەن شەكتەلەتٸن باقشا ۋچاسكەلەرٸ اۋدانىندا كونترتەرروريستٸك وپەراتسييانىڭ قۇقىقتىق رەجيمٸن ەنگٸزۋ شەشٸمٸن قابىلدادى», - دەلٸنگەن حابارلامادا.
ساعات 2021 جىلعى 3 شٸلدەدەگٸ ساعات 05:20-دان باستاپ كونترتەرروريستٸك وپەراتسييانىڭ قۇقىقتىق رەجيمٸ سونداي-اق كەلەسٸ شەكارالاردا ەنگٸزٸلەدٸ: باكسان قالالىق وكرۋگٸنٸڭ شىعىس تٶڭٸرەگٸ (كونەچنايا كٶشەسٸ) - ا-158 كٷرە جولى (پروحلادنىي - باكسان) – باكسانەنوك اۋىلدىق مەكەننٸڭ باتىس تٶڭٸرەگٸ (پرومىشلەننايا كٶشەسٸ) – باكسان ٶزەنٸنٸڭ القابى.
جەدەل شتاب مەلٸمەتٸنشە, كتو رەجيمٸ كەزەڭٸندە اتالعان اۋماقتا ەرەكشە بۇيرىق بەرٸلمەگەنشە بٸرقاتار شارالار مەن ۋاقىتشا شەكتەۋلەر ەنگٸزٸلەدٸ: جەكە تۇلعالاردىڭ قۇجاتتارى تەكسەرٸلٸپ, قوعامدىق تەرتٸپتٸ قورعاۋ كٷشەيتٸلەدٸ, تەلەفون ەڭگٸمەلەرٸ قاداعالانادى, ال قاجەت بولعان جاعدايدا كتو رەجيمٸ ەنگٸزٸلگەن اۋماقتا تۇرىپ جاتقان جەكە تۇلعالار ۋاقىتشا كٶشٸرٸلەدٸ.
