Ekonomist, piarshy, bloger Aibar Oljaev adamdardy bir-birine masyl bolmaýǵa shaqyrdy. Otbasynda jaimashýaq garmoniia ornaýy úshin adamdarda "sen eshkimge eshteńe qaryz emessin. Sen eshteńege eshteńe úshin kináli emessiń" degen túsinik ornaýy kerek.
Sózbe-sóz:
Qazaqstan abiýzerliktiń shegine jetti. Ary qarai quz. Sońǵy barer retinde zań qabyldap otyrmyz. Aiýdy taiaqpen úiretý degendi bildiredi.
Osynyń barlyǵy áiel anandai bolý kerek, mynaý mynandai bolsyn degennen shyqty. Kóbine unamaityn ashy shyndyq bar - rasynda eshkim eshkimge eshteńe qaryz emes. Eshkim eshkimniń notatsiiasyn tyńdap, soǵan bola ózin kináli sezinýge mindetti emes. Bul shyndyq áieliniń moinyna otyryp alǵan abiýzer erkekke, erkektiń balaǵyna jabysyp jatyp alǵan abiýzer áielge unamaidy.
Kezinde ántek jymiyp "men endi eshkimge eshteńe qaryz emespin" dep salqynqandy aitqan frazam ainalamda panika týdyrǵan edi. Sen eshkimge eshteńe qaryz emessin. Sen eshteńege eshteńe úshin kináli emessin. Osyny túsingen adamnyń otbasynda basynda býnt bolsa da, artynan keiin ózara jaimashýaq garmoniia ornaidy dep senemin.
Stýdent kezinde aǵam úilenip, úige jeńge túsirdi. Aýyldan marqum apamdar keldi. Men ádetimshe keshke qarai ishki kiimim men shulyǵymdy jýyp alaiyn dep vannada sharýamdy bitirip otyrsam, apam kórip, "oibai jas kelin, bala kiimin jýyp otyr degen ne masqara" dep zarlaǵany áli este. Eńgezerdei azamat óz shulyǵyn ózi jýa almasa, úlkenderdiń oiynsha jýmaýy tiis bolsa, bul ne degen debiloidtar qoǵamy degen oi sol kezde kelgen.
Bolashaq abiýzerler, qolynan *** kelmeitin *** osylai tárbielengeni anyq. Bárin basqa bireý istep berý kerek, bári saǵan qaryz, sen bárine renjip, tipti tómpeshtep júrý kereksiń.
Pofigizm týraly kóp oqyǵandyqtan, deni saý pofigizmniń qoǵam dertin emdei alar kúshin baiqadym. Sara Nait, Mark Menson syndy avtorlardy izdep kórseńiz, kóp máseleni sheshe alasyz.
Siz eshkimge eshteńe qaryz emes ekenińizdi osy postty oqyp túsinseńiz, erteń tańerteń qatty qýanyp oianasyz. Kún saiyn ómir súrý jeńildei beredi, jeńildei beredi.
Keshke tamaq bolmasa tragediia emes, 12 minýtta daiyndai alamyn. Al bitpeitin negativ - ol problema. Men óz júikemdi qatty qadirleimin.
"Ábirjip ketken, renjip júrgen áiel + ústel tolǵan tamaq, taza úi" VS "Ózine unaityn biznesti damytyp júrgen, óz ortasy bar áiel + úide ne kerek bolsa (tamaq, tazalyq, útiktelgen kiim) óziń jasap al" sistemasynda men ekinshi nusqany tańdadym.
Deni saý tsinizm, pofigizm jáne individýalizm - psihologiialyq túzý qarym-qatynasqa bastai alady dep oilaimyn.
Jastar keide keńes suraidy. Qinalyp, úilenip, bir-birińdi uryp óltirgenshe, qazir úilenbei aq, óz jalaqylaryńdy ózderińe qurtyńdar, bir bastaryńa jetedi. Qazir shetelge shyǵyp el kórińder, aqyl toqtatyńdar deimin. 30-dan keiin, psihologiialyq turaqtylyq paida bolǵanda, abiýz saldaryn oqyp bilgennen keiin, ózińiz siiaqty oilaityn adam taýyp, teń odaq qurý tamasha jol.
Naǵyz neke - bir-birine qaryz eki psihtyń ant bergeni emes, eki terezesi teń táýelsiz tulǵanyń resmi rásimdelgen odaǵy. Osyndai túsinik kóbeise, biz artta qalǵan Abiýzstan elinen progressivti Qazaq Respýblikasyna kóshetin bolamyz.
