Aýyr salmaqta judyryqtasatyn Jan Kosobýtskiidiń (18-0, 17 KO) frantsiialyq Joan Diýopany (39-7, 26 KO) jeńýi Bild sholýshysy Ralf Shmidtti tamsandyrdy. Sarapshy Vesti.kz tilshisine bergen suhbatynda qazaqstandyq boksshynyń bolashaǵy týraly oiyn aitty.
"Kosobýtskii - naǵyz qubyjyq. Onyń kezekti jeńisi jarqyn ári qatal boldy. Diýopa ózin shydamdy jáne jaqsy boksshy retinde kórsetti, biraq, qazaqstandyqtyń soqqylaryna tótep berý múmkin emes edi. Joan bul jekpe-jek óte aýyrǵa túskenin aityp, karerasyn aiaqtady. Bul qazaqstandyqtyń sumdyq qýatynyń kórsetkishi emes pe? Endi ol elitaly qarsylastarmen shyǵa alady. Eger bári jaqsy bolsa, Jan kelesi jyly chempiondyq aiqasqa shyǵa alady degen oidamyn", - deidi Shmidt.
