Búgin Májilis Spikeri Nurlan Nyǵmatýlinniń tóraǵalyǵymen Palatanyń jańa jyldaǵy alǵashqy jalpy otyrysy ótti, dep habarlaidy "Ult aqparat" QR Parlamenti Májilisi apparatynyń baspasóz qyzmetine silteme jasap.
Májilis Spikeri alda Elbasy Nursultan Ábishuly Nazarbaev júktegen jaýapty mindetter turǵanyn jáne olardy sapaly zańdarmen qamtamasyz etý jolynda atqarylatyn jumystardyń kóp ekenin alǵa tarta kelip: - biz aimaqtarda bolyp, sailaýshylarmen de kezdestik. Osy ýaqyttarda aitylǵan barlyq máselelerge aldaǵy zań shyǵarý jumysymyzda erekshe kóńil bóletin bolamyz, - dedi.
Atap aitatyn bolsaq, búgingi otyrysqa birinshi oqylymda usynylyp otyrǵan jergilikti ózin-ózi basqarýdy damytý máselesine qatysty zań jobasy mańyzdy qujattardyń biri.
Sondai-aq, jaqyn ýaqytta densaýlyq saqtaý jáne áleýmettik – eńbek salalaryna qatysty zań jobasy qaralady.
N. Nyǵmatýlin atap ótkendei, jol qozǵalysy týraly, aqparat jáne kommýnikatsiia, kommertsiialyq emes uiymdar basqa da salmaqty qujattar boiynsha tyńǵylyqty jumys isteý mindeti tur.
Palata Tóraǵasy sessiia sońyna deiin Májiliste ótetin úkimettik saǵattar men parlamenttik tyńdaýlarǵa da airyqsha kóńil bóldi.
Osy jumystardyń barlyǵyn birlesip, joǵary deńgeide oryndaýymyz kerek dei kelip, Palata Spikeri: - Májilistiń eń basty mindeti ádettegidei zań shyǵarmashylyq jumysynyń sapasyn kúsheitý men zańdardyń oryndalýyna baqylaýdy kúsheitý, - dedi.
