Búgin «Qazmedia» ortalyǵynda QR Aqparat jáne kommýnikatsiialar ministrligi alqa májilisiniń keńeitilgen otyrysynda qoǵam qairatkeri Myrzatai Joldasbekov qazaqty tolǵandyratyn tórt negizgi máseleni atady, dep habarlaidy "Ult aqparat" Baq.kz portalyna silteme jasap.
«Qazaqty tolǵandyratyn birneshe taǵdyrly másele bar. Onyń ishinde eń negizgileri – ult, til, din jáne jer máselesi. Qazir demokratiianyń zamanynda ómir súrip júrmiz. Árkim óziniń oiyndaǵy pikirin ashyq aita alady», - dedi M.Joldasbekov.
Osy oraida qoǵam qairatkeri, jýrnalistika salasynyń maitalmany Elbasynyń qazaq tiline degen janashyrlyǵyna erekshe toqtalyp ótti.
«Elbasymyzdyń Táýelsizdigimizge syi retinde jazǵan «Uly dala ulyǵattary» degen shaǵyn ǵana kitaby bar. Men osy kitapqa úlken maqala jazdym. Sonda ol kisiniń bárin bilip turyp aitqan bir sózi bar: «Qazaq tilinde men sóilei almaidy dep kim aitady? Sóilei alamyn, árine. Frantsiianyń prezidenti, Qytaidyń basshysy, Reseidiń prezidenti óz tilinde baiandama jasaidy, men de sony armandaimyn...», - deidi. Kezinde Tselinograd, Aqmolada halyqtyń 17-aq paiyzy qazaq boldy. Qazir Astana qazaǵy eń kóp qalaǵa ainaldy. Ótkende Elbasymen bir júzdeskenimde, Qudai qalasa, jazda Qazaqstan halqy 18 millionǵa jetkenin habarlaityn bolamyz dedi. Bul da úlken qýanysh dep oilaimyn», - degen M.Joldasbekov halyqty tolǵantqan máseleler memleket nazarynan tys emes jáne oń sheshimin taýyp kele jatqanyn jetkizdi.
.jpeg)