30 qarashada Qazaqstan Respýblikasynyń aýmaǵyna Mysyr, BAÁ, Túrkiia, RF jáne Belarýs Respýblikasynan 9 halyqaralyq áýe reisi keldi. Bul týraly QR Densaýlyq saqtaý ministrliginiń Sanitarlyq-epidemiologiialyq baqylaý komiteti habarlady.
Áýejaiǵa kelgen 1 169 jolaýshynyń 960-ynda PTR-testileýdiń teris nátijesi bar anyqtamalar bolǵan. Anyqtamasy joq 209 adam keldi, olardyń barlyǵy – QR azamattary.
Onyń ishinde:
- Almaty qalasynyń áýejaiyna – 4 reis, 762 jolaýshy keldi (anyqtamasy bar - 616, anyqtamasy joq – 146).
- Nur-Sultan áýejaiyna – 4 reis, 285 jolaýshy (anyqtamamen – 234, anyqtamasyz – 51), - Aqtaý qalasynyń áýejaiyna – 1 reis, 122 jolaýshy (anyqtamamen - 110, anyqtamasyz – 12) kelgen.
«Anyqtamasy joq Qazaqstan azamattary kelgen jeri boiynsha karantindik statsionarlarǵa jiberildi jáne PTR-taldaý ádisimen COVID-19-ǵa test júrgizildi. PTR-taldaý nátijesi boiynsha Mysyrdan ushyp kelgen bir qazaqstandyqtan koronavirýs infektsiiasy tabyldy.
Odan basqa, Minskiden áýe reisimen kelgen Moldova men Qyrǵyzstan azamattary merzimi ótken PTR-anyqtamalardy usynǵany úshin Nur-Sultan qalasynyń áýejaiynan keri qaitaryldy», - delingen aqparatta.
