Mysyrdyń quqyq qorǵaý organdary qazaqstandyq stýdentter týraly resmi aqparat bermei otyr, - dep habarlaidy "Ult aqparat" QR SIM ókiline silteme jasap.
"Mysyrdyń quqyq qorǵaý organdary ustap áketken otandastarymyz týraly áli eshqandai resmi aqparat bermedi. Eldiń resmi bilik ókilderi olardyń deni saý jáne qaýipsiz jaǵdaida ekenin aitady. Kairdegi Qazaqstan elshiligi aqparat berý men konsýldyń azamattarymyzben kezdesýine jol berýin talap etip otyr. Resmi emes aqparat boiynsha, Mysyrdaǵy birneshe lańkestikten keiin engizilgen qazirgi tótenshe jaǵdai ýaqytynda eldiń arnaiy qyzmeti qaýip tóndirýi múmkin tulǵalardy ustaý boiynsha arnaiy operatsiia júrgizip jatyr", - dep jazǵan Facebook jelisindegi paraqshasynda QR SIM ókili Ánýar Jainaqov.
Osyǵan bailanysty Qazaqstan elshiligi azamattarǵa túsindirý jumystaryn júrgizip jatyr.
"Osy jaǵdaiǵa bailanysty elshilik Mysyrdaǵy Qazaqstan azamattary arasynda jergilikti zańnama talaptaryn saqtaý men óz quqyqtary jaily túsindirý jumystaryn júrgizip jatyr. SIM qazaqstandyq stýdentter máselesin erekshe nazarda ustap otyr. Búgin Kairdegi Qazaqstan elshisi osy másele boiynsha Mysyrdyń Syrtqy ister minstriniń orynbasarymen taǵy da kezdesedi", - dep aiaqtady sózin Jainaqov.
