Qazaqstan tarapy Mysyrdaǵy stýdentterdiń ustalý sebepteri men jaǵdaiyn anyqtaý boiynsha jumysyn jalǵastyryp jatyr. Bul týraly QR Syrtqy ister ministrligi baspasóz qyzmetiniń jetekshisi Ánýar Jainaqov málimdedi, - dep habarlaidy "Ult aqparat".
"Biz qazaqstandyq stýdentterdiń Mysyrda ne sebepti jáne qandai jaǵdailarda ustalǵanyn anyqtaý jumysyn jalǵastyryp jatyrmyz. Keshe Qazaqstan elshisimen kezdesý qorytyndysy boiynsha Mysyrdyń syrtqy ister ministriniń orynbasary jaqyn ýaqytta resmi jaýap bolatynyn aitty", - dep jazǵan Jainaqov Facebook jelisindegi paraqshasynda.
Sonymen qatar, QR Syrtqy ister ministrligine Mysyrdyń Qazaqstandaǵy isteri boiynsha ýaqytsha taǵaiyndalǵan senimdi tulǵasy shaqyrtylǵany aitylady.
Eske salaiyq, 24 shildede qazaqstandyq alty stýdenttiń Mysyrda joǵalyp ketkeni habarlanǵan bolatyn. Keiin stýdentterdi Mysyrdyń quqyq qorǵaý organdary ustap áketkeni belgili boldy. Olar sol el aýmaǵynda jáne ómirlerine esh qaýip tónip turǵan joq.
