Latyn qarpine kóshetin ýaqyt jetti jáne oǵan tolyq múmkindigimiz bar. Bul pikirdi búgin QR Mádeniet jáne sport mniistrligi janyndaǵy qoǵamdyq keńes uiymdastyrǵan keńeitilgen májiliste memleket jáne qoǵam qairatkeri Myrzatai Joldasbekov málim etti.
«Elbasynyń «Bolashaqqa baǵdar: rýhani jańǵyrý» atty maqalasy - úlken strategiialyq máni bar, qazaqtyń jarqyn bolashaǵyn aiqyndap bergen qujat. Bul materialda Elbasy qazaq halqy ári qarai qalai damidy, qoǵam qalai ilgerileý kerek degen máselelerdiń kontseptsiiasyn jasady. Sonyń ishinde eń kúrdeli máseleniń biri - latyn qarpine kóshýdi Elbasy buryn da aitqan. 2012 jylǵy jariialaǵan «Qazaqstan-2050» Strategiiasynda 2025 jyldan bastap latyn álipbiine kóshýge kirisetinimizdi aitqan. Bul búkil qazaq ziialylaryna maidai jaqqan jańalyq boldy. Mine endi búgingi talqylaǵan maqalasynda sol armandarǵa jetý joldary aiqyn kórsetilgen», - dedi M. Joldasbekov.
Onyń aitýynsha, Elbasy bul maqalada qazaq halqynyń baǵzy zamandardan beri paidalanǵan barlyq álipbiine - Túrik qaǵanaty zamanynan qalǵan rýnalyq jazýlardan kirillitsaǵa deiin sholý jasap, qazaq tiliniń álipbii tym tereńnen tamyr tartatynyn kórsetti.
"Bul talqylaýdyń basy. Endi igerý, zertteý kezeńine kóshemiz. Túsingen adamǵa mundaǵy ár sóilemniń astynda úlken jobalar jatyr. Endi órkeniet kóshinen qalmaý kerek. Buryn latyn qarpine kóshý qalai bolar eken dep ýaiymdaityn edik. Qazir ýaiymdaityn eshteńe joq. Balabaqshadan bastap mektep oqýshylaryna deiin barlyǵy latynsha biledi, olar erikti túrde aǵylshyn tilin óz betterimen úirenip jatyr. Demek, eshqandai qiyndyq joq, latyn qarpine kóshetin ýaqyt jetti jáne oǵan tolyq múmkindigimiz bar", - dep atap ótti ol.
.jpeg)