Búgin Qazaqstan Respýblikasy Premer-Ministriniń orynbasary A.I. Myrzahmetov jumys saparymen Atyraý oblysyna keldi. Bul týraly QR AShM Baspasóz qyzmeti habarlady.
Jumys sapary sheńberinde oblys ákimdiginiń alańynda Atyraý oblysy aýyl sharýashylyǵynyń aǵymdaǵy jaǵdaiy jáne damý perspektivalary máseleleri boiynsha keńes ótti. Keńeste oblystyń aýyl sharýashylyǵy taýar óndirýshileri, oblys ákimi jáne onyń orynbasarlary, sonymen qatar aýdan ákimderi jáne jergilikti jáne ortalyq memlekettik organdardyń aýmaqtyq bólimsheleriniń basshylary, «Atameken» UKP, «KazAgro» UBH» AQ jáne onyń enshiles uiymdarynyń ókilderi qatysty.
Keńestiń ótkizý barysynda aýyl turǵyndaryn jumyspen qamtý jáne sút qabyldaityn oryndardy jáne otbasy bordaqylaý alandaryn qurý arqyly aýyl sharýashylyǵy ónimderin óndirý men ótkizý jumysyn ortalyqtandyrýdy uiymdastyrý maqsatynda aýyl sharýashylyq kooperativterine jeke qosalqy sharýashylyqtardy biriktirý jolymen jeke qosalqy sharýashylyqtarynyń múmkindigin paidalaný esebinen qaita óńdeý kásiporyndarynyń qýattylyǵyn júkteý boiynsha sharalardy iske asyrý máseleleri talqylandy.
Ministr salany qosymsha qarjylandyrý boiynsha qabyldanatyn sharalar, sýbsidiialaý júiesin jetildirý boiynsha sharalar jáne agroónerkásiptik keshenge investitsiialyq tartymdylyqty arttyrý týraly málimdedi.
Sondai-aq, aimaqta investitsiialyq jobalardy iske asyrý, ásirese mamandandyrý syzbasyna sáikes kelýin jáne óndiristik qýattylyǵynyń bar bolýy, sonymen qatar organikalyq ónimder naryǵyn damytý máseleleri talqylandy.
Keńes qorytyndysy boiynsha Asqar Myrzahmetov agroónerkásip keshenin damytýǵa baǵyttalǵan jumystardy belsendirý boiynsha birqatar naqty tapsyrmalar berdi.
Anyqtama retinde: Atyraý oblysy boiynsha 20,9 myńnan astam turǵyndary ózin-ózi jumyspen qamtyǵan bolyp esepteledi, onyń ishinde 14,8 myń adam ónimdi jumyspen qamtylǵan, jeke qosalqy sharýashylyqtarda 80 %-dan astam sút jáne 80 %-dan astam et óndiriledi.
«Ult aqparat»
.jpeg)