Ekologiia, geologiia jáne tabiǵi resýrstar ministri Maǵzum Myrzaǵaliev kenshiler óńiriniń turǵyndaryna jańa Ekologiialyq kodeks jaily aityp berdi, dep habarlaidy "Ult aqparat".
Temirtaý qalasynda oblys ákimi Jeńis Qasymbektiń, iri ónerkásip kásiporyndary basshylarynyń, saladaǵy sarapshylar jáne jergilikti qoǵam belsendileriniń qatysýymen jańa Ekologiialyq kodeksti túsindirý jónindegi keńes ótti.
«Memleket basshysy Qasym-Jomart Kemeluly Toqaevtyń tapsyrmasy boiynsha biz jańa Ekologiialyq kodekstiń normalary qalai iske asyrylyp, óńirdiń ekologiialyq jaǵdaiyn qalai jaqsartatynyn túsindirý úshin Qaraǵandy oblysynyń jurtshylyǵymen kezdesýdi uiǵardyq. Sońǵy eki jyl ishinde Ekologiialyq kodekstiń jańa redaktsiiasyn daiyndaý boiynsha belsendi jumys júrgizildi. Ol ekonomikalyq yntymaqtastyq pen damý uiymy (EYDU) elderiniń tájiribesin eskere otyryp ázirlendi. 2021 jylǵy 2 qańtarda jańa Ekologiialyq kodekske Memleket basshysy qol qoidy. Kodekstiń mańyzdylyǵy - onyń adam ómiri men densaýlyǵy, qolaily ómir súrý ortasyn qamtamasyz etý, iri jáne shaǵyn biznestiń qyzmetin, olardyń qorshaǵan ortany qorǵaý salasyndaǵy jumysyn retteý siiaqty qoǵamnyń barlyq múddelerin áser etetindiginde», - dedi Maǵzum Myrzaǵaliev jiyn barysynda.
Ministrdiń aitýynsha, Ekologiialyq kodeks Qazaqstandaǵy jáne Qaraǵandy oblysyndaǵy ekologiialyq jaǵdaidy jaqsartýdyń negizgi quralyna ainalmaq.
