Foto: UOK, Vladislav Semenov
Bokstan Qazaqstan quramasynyń bas bapkeri Myrzaǵali Aitjanov 80 keli salmaqta ótken Nurbek Oralbai men Kristian Pinales arasyndaǵy jekpe-jekti qorytyndylady, dep habarlaidy "Ult aqparat" Olimpiada komitetiniń baspasóz qyzmetine silteme jasap.
"Olimpiada oiyndarynda ońai qarsylas degen atymen joq. Barlyǵy da óte qaýipti sanalady. Búgin Nurbekpen judyryqtasqan dominikandyq boksshy da qur emes. Ol qandasymyz Toqtarbek Tańatqannan bastap, myqty boksshylardy qatardan shyǵardy.
Nurbek búgin bizdiń aitqan tapsyrmamyzdy múltiksiz oryndady. Oǵan alǵa barmai, qarsylasty kútip alyp, qajetti kezde soqqy jumsaý kerektigin aittyq.
Tóreshilerdiń úsh raýndta da 3:2 esebin bergeni týraly eshteńe aita almaimyn. Biz jeńisti bergenine qýanyp jatyrmyz.
Alda finaldyq jekpe-jek kútýde. Nurbek komandadaǵy barlyq jigitter úshin aiqasady", - dedi Aitjanov.
Eske salaiyq, Nurbek Oralbai 80 keli salmaqta Olimpiadanyń finalyna shyqty.
