فوتو: ۇوك, ۆلاديسلاۆ سەمەنوۆ
بوكستان قازاقستان قۇراماسىنىڭ باس باپكەرٸ مىرزاعالي ايتجانوۆ 80 كەلٸ سالماقتا ٶتكەن نۇربەك ورالباي مەن كريستيان پينالەس اراسىنداعى جەكپە-جەكتٸ قورىتىندىلادى, دەپ حابارلايدى "ۇلت اقپارات" وليمپيادا كوميتەتٸنٸڭ باسپاسٶز قىزمەتٸنە سٸلتەمە جاساپ.
"وليمپيادا ويىندارىندا وڭاي قارسىلاس دەگەن اتىمەن جوق. بارلىعى دا ٶتە قاۋٸپتٸ سانالادى. بٷگٸن نۇربەكپەن جۇدىرىقتاسقان دومينيكاندىق بوكسشى دا قۇر ەمەس. ول قانداسىمىز توقتاربەك تاڭاتقاننان باستاپ, مىقتى بوكسشىلاردى قاتاردان شىعاردى.
نۇربەك بٷگٸن بٸزدٸڭ ايتقان تاپسىرمامىزدى مٷلتٸكسٸز ورىندادى. وعان العا بارماي, قارسىلاستى كٷتٸپ الىپ, قاجەتتٸ كەزدە سوققى جۇمساۋ كەرەكتٸگٸن ايتتىق.
تٶرەشٸلەردٸڭ ٷش راۋندتا دا 3:2 ەسەبٸن بەرگەنٸ تۋرالى ەشتەڭە ايتا المايمىن. بٸز جەڭٸستٸ بەرگەنٸنە قۋانىپ جاتىرمىز.
الدا فينالدىق جەكپە-جەك كٷتۋدە. نۇربەك كومانداداعى بارلىق جٸگٸتتەر ٷشٸن ايقاسادى", - دەدٸ ايتجانوۆ.
ەسكە سالايىق, نۇربەك ورالباي 80 كەلٸ سالماقتا وليمپيادانىڭ فينالىنا شىقتى.
