Foto: videodan skrinshot
Qydyráli Bolmanovtyń jas qyzben súiisip turǵan videosy Qaraqat Ábildinany qatty ashýlandyrdy, dep habarlaidy Ult.kz ozgeris.info saityna silteme jasap.
Ábildinanyń aitýynsha, jasandy intellekt arqyly jasalǵan videony jelide bireýler taratqan. Qydyráli men Qaraqat olardy jazaǵa tartý keregin aitty.
«Mynany qarańyzdar! Mynaǵan ne deisizder? Mynadai sumdyqty kórdińizder me? Mynaý ne masqara! YouTube-ten “Qydyráli Qaraqat” dep tergende “jasandy intellekt” dei me, osylai jariialap, salyp jatyr eken. Oilaryna kelgendi aityp, ne bolsa sony sala beretinderdi tekseretin zań joq pa elimizde?» – dedi Qaraqat Ábildina.
Ánshiniń aitýynsha, video kúni keshe ǵana salynǵan.
Jelide taraǵan bul jalǵan beinejazbada prodiýserdiń jas qyzben qushaqtasyp, keiin súiisip turǵany kórsetilgen. Prodiýser bul jaǵdaiǵa qatty ashýlanyp, munyń bári ózine jaǵylǵan kúie ekenin aitty.
«Assalaýmaǵaleikým, qazaq eli!
Taǵy ne jasaidy eken myna “belgisizder”...
Asyl ájem mynany kórse, oilanbastan aq taiaǵyn alyp:
“Ái, Qaraqatyń qaida?” – dep,
meni týra qýýshy ma edi?
Bul shyǵarmanyń “jasandy intellekt”,
myna videonyӊ ótirik ekenin ol kisige
esh túsindire almas edim...
Sol siiaqty, ainalaiyn apa-ájelerim,
“Mynaý ne masqara?” – dep qalmańyzdar...
Bul men emespin! Qudai saqtasyn.
Jasymyz myńǵa kelgende óte yńǵaisyzdaý eken...
Ásirese Alla bere salǵandarym kórip qoisa?
Úlkenderi túsiner, osy zamannyń balalary.
Al kishkentailaryma she?
Qorqynyshtysy – “II” barǵan saiyn dami bermek.
Myna videoda men emes ekenim kórinip tur. Qudaiǵa shúkir!
Bara-bara ainytpai jasaityn kez kelgende,
kúnimiz ne bolar eken...
Bul áli báisheshegi me dep seskenemin.
Insta paida bolǵaly paraqshasyna “podpischik” jinap,
qaralymyn kóbeitý úshin eshteńeden taiynbaityn tobyr kóbeiip,
árkimge jala jaýyp, ózderine bále tilep,
óz qazaǵyn ózi julyp jep,
qaraptan-qarap qaralap, kúie jaǵyp júretin,
ar-namystan jurdai,
Alladan qoryqpaityn,
jala-japqysh, pikir-aitqysh, min-taqqysh,
baratyn jeri belgisiz...
Bir kósh kele jatyr-aý, kósemi kóp.
Tulpary joq bul kóshtiń esegi kóp.
Qanaǵatsyz, toiymsyz pás pendeler,
alaryń kóp, qaiteiin, esebi joq.
Bir kósh ketip barady, batyry kóp.
Baltasy bar qolynda, aqyly joq.
Qaida ketip barady-aý, qairan zaman,
madaq aitqan qasynda aqyny kóp...
Bir kósh kele jatyr-aý, túiesi kóp,
belgisiz myna kóshtiń iesi joq.
Bir sóz ketip barady jelmen ushyp,
kiesi joq, tyńdaityn júiesi joq...»
– dep jazdy Qydyráli Bolmanov.
