.jpg)
Kollaj: ult.kz
Sońǵy kúnderi teńgeniń quny kúrt tómendep, keibir aiyrbastaý oryndarynda dollar baǵamy 500 teńgege jetti. Dollardyń quny ósse Qazaqstanda taýar baǵasy da ósip, qarapaiym halyqtyń qaltasyna aýyr tiip jatady.QR Parlamenti Májilisiniń depýtaty Luqbek Tumashinov teńgeniń quldyraýyn baqylap otyrǵanyn aitady.
«Shynyn aitqanda ary ketip qalmasyn dep qorqyp otyrmyz», -degen halyq qalaýlysynan jýrnalister:
«Uzaq jyldan beri talai infliatsiiany ótkizip, quldyrap kele jatqan teńgeni nyǵaitý úshin Parlament pen Úkimet eshteńe istei almai ma?» -dep surady.
Luqbek Tumashinov teńge alǵash qabyldanǵan kezden bastap ulttyq valiýtanyń qalai qubylǵanyn kórip, shashynyń aǵaryp ketkenin aitty:
«Halyqqa jalaqy, zeinetaqy tólei almai qalǵan kezder bolǵan. Onyń bárin bastan ótkizgenbiz. Myna basym nege appaq deisińder?!», -dep, depýtat suraq qoiǵan jýrnalistiń teńge alǵash qabyldanǵanda kezde tipti dúniede bolmaǵanyn eske saldy.
«Úkimet durystap jumys isteý kerek»
«Ulttyq bank tóraǵasy aityp jatyr ǵoi, bizdiń alatyn azyq-túligimiz, zattarymyz TMD elderinen keledi dep. Sondyqtan bul jerde dollardyń qatynasy joq qoi. Basqa jerden keletin, mysaly Eýropadan keletin taýarlarǵa bar. Sondyqtan qazir úkimetke durystap jumys isteý kerek dep oilaimyn. Dollar ósip barady dep syltaýrata bermei, áreket etý kerek», -deidi ol.
Al ekonomikany dollarǵa jáne munai baǵamyna táýeldilikten shyǵarý týraly aitylǵanyna da kóp bolǵanyn, osy másele qashan sheshiletinin suraǵan ULT.KZ tilshisine:
«Sonyń jaýabyn bilseńder maǵan aityńdarshy?» -dep depýtat keri suraq qoidy.
Tumashinovtyń sózinshe jumys istemei jatqan eshkim joq, biraq qymbatshylyq qysyp baratynyn da moiyndaý kerek.
«Emotsiiaǵa berilmei, Qazaqstannyń múddesi úshin jumys isteiik»
Biraq burynǵy QR ulttyq ekonomika vitse-ministri, qazirgi Syrtqy ister ministriniń orynbasary Álibek Qýantyrov teńgeniń quldyraýyn ýaqytsha jaǵdai dep esepteidi.
«Kei bireýler dollardyń teńgege shaqqandaǵy baǵamy 600 teńge bolady degen. Biraq olai bolǵan joq qoi. Mundai qubylýlarǵa nazar aýdarýdyń qajeti joq. Teńge turaqty valiýta. Emotsiiaǵa berilmei, Qazaqstannyń múddesi úshin jumys isteiik?», -dep qaiyrdy Álibek Qýantyrov.
TAǴY OQYŃYZ: ULTTYQ BANK TEŃGENI QUTQARÝ ÚShIN ShUǴYL ShARALAR QABYLDAMAQ
