Myń tomdy quraǵan qarjy piramidasynyń isi boiynsha 25 adam sottaldy, – dep habarlaidy "Ult aqparat" Polisia.kz portalyna silteme jasap.
Búgin qarjy piramidasy boiynsha Túrkistan oblysy politseileriniń tergeýinde bolǵan eki myńnan astam jábirlenýshiniń isine núkte qoiyldy. Naqtyraq aitsaq, politsiiaǵa 2020 jyldan bastap “Evolution Corporation” men “Indigo 24” JShS qarjy piramidasynyń qurbany bolǵan azamattardan aryzdar túsken. Olar - respýblikanyń 6 oblys pen qalalarynyń turǵyndary. Sol sátte jasalǵan qylmystyń aýqymy eskerilip, QR IIM-niń buiryǵymen qylmystyq is Túrkistan oblysy Politsiia departamentiniń bazasynda júrgizilip, tájiribeli tergeýshiler toby qurylǵan bolatyn. Topty Túrkistan oblysynyń tájiribeli tergeýshileriniń biri Altynai Jolymbekova basqardy.
"Sotqa deiingi tergep-tekserý bir jyldan astam ýaqyt boiy jalǵasty. Jedel qolǵa alynǵan jumystar nátijesinde qarjy piramidasyn qurýǵa jáne ony basqarýǵa qatysy bar degen kúdikpen politsiia qyzmetkerleri 25 adamdy anyqtap, ustady. Olardan kompiýterlik tehnika, jyljymaly jáne jyljymaityn múlikter tárkilendi.
Osy ýaqyt ishinde politseiler men prokýrorlar kúdiktilerdiń kinásiniń dálelderin jinaý boiynsha aýqymdy jumystar atqardy. Saraptamanyń 15 túri taǵaiyndaldy. Tergeýshiler qylmystyq toptyń birneshe jyldar boiy salymshylarǵa aqshalary eselep qaitatyny jaily ýáde etip, turǵyndardan alaiaqtyq jolmen 3 milliard teńgeden asatyn qarajatty iemdengenin anyqtady. Qylmystyq toptyń uiymdasqan sipatta bolǵany, josparlanǵan túrde áreket etkeni jáne ár qatysýshynyń rólderi naqty bólingeni dáleldendi. Nátijesinde tájiribeli tergeýshiler men prokýrorlardyń kelisimimen aiyptaý aktisimen 1000 tomdyq qylmystyq isti sotqa joldandy" - delingen habarlamada.
Búgin osy qylmystyq is boiynsha sottyń úkimi shyqty. Atap aitsaq, qarjy piramidasynyń uiymdastyrýshy-quryltaishylary bolyp sanalatyn 3 adam 12 jylǵa, al olardyń orynbasarlary bolǵan 5 kúdikti 10 jylǵa, qalǵan 17 kúdikti 8 jylǵa bas bostandyqtarynan aiyryldy. Sottalýshylardyń eń úlkeni 55 jastaǵy áiel bolsa, eń jasy – 31 jasta.
