Foto: Qýat Hamitov instagram paraqshasynan
Qazaqstandyq aralas jekpe-jek (MMA) sportshysy Qýat Hamitov depýtat Ardaq Nazarovtyń anasyn quttyqtaýyna qatysty Májilis jaýabyn mysqyldady, dep habarlaidy Ult.kz.
Ol depýtattar arqyly quttyqtaý joldaýǵa tapsyrys qabyldap, jarysqa qatysýǵa aqsha jinaitynyn aityp ájýalady.
"Májilis depýtattarǵa týǵan kúnimen quttyqtaýǵa ruqsat beripti. Sondyqtan aitarym, jigitter! Barlyq depýtattardyń nomerleri mende bar. Kimge jańa jylmen, bireýdiń týǵan kúnimen, qysqasy, quttyqtaý kerek bolsa, barlyǵy men arqyly. Qazir kaspiidi tirkeimin. Myń dollar jiberseńder, kez kelgen depýtattan quttyqtaý men arqyly. Dál qazir jarysqa aqsha joq edi. Ózimizdiń jaman zalda daiyndalyp júrmiz. Bir-eki quttyqtaý "uryp jibersek" shetelge jarysqa baryp qaitatyn", - dedi ol áleýmettik jeli paraqshasynda.
Eske salsaq Májilis depýtaty Ardaq Nazarov plenarlyq otyrys kezinde anasyn týǵan kúnimen quttyqtaǵan bolatyn. Bul qoǵamda daý týǵyzyp, "depýtattyń bul áreketine shara qoldanylýy kerek" degender boldy. Alaida buǵan Májilis buqaralyq aqparat quraldaryna "Parlament pen Májilis reglamentiniń normalaryn, sonyń ishinde depýtattyq ádep erejelerin tikelei buzý belgileri baiqalmaǵan" dep jaýap bergen.
