BUU-nyń Mianma boiynsha arnaiy ýákili áskeri tóńkeristen keiin Mianmadaǵy jaǵdai azamattyq soǵysqa ulasýy múmkin dep málimdedi. 31 naýryzda BUU-nyń Qaýipsizdik keńesiniń jabyq sessiiasy kezinde Kristin Shraner Býrgener álem derjavalaryn jańadan qantógiske jol bermes úshin shara qoldanýǵa shaqyrdy.
Arnaiy ýákil ne isteý qajettigin naqtylamady, biraq áskerdiń narazylardy aiaýsyz basyp-janshýy týraly saraptamany usynyp, Qaýipsizdik keńesine Mianmanyń "memlekettiligine qaýip tóngenin" aitty. Bul týraly Býrgenerdiń sózimen tanysyp shyqqan aqparat agenttikteri jazdy.
Birma degen atpen de tanymal Mianma 1 aqpan kúngi áskeri tóńkeristen keiin jáne azamattyq úkimet jetekshisi Aýn San Sý Chji qamalǵannan soń daǵdarysty ótkerip jatyr. Áskeri bilikke qarsy shyqqandar aiaýsyz basyp-janshylyp, sonyń nátijesinde keminde 500 adam qaza boldy.
Halyqaralyq qaýymdastyqtyń qysymy jáne Batys sanktsiiasy hýntany baǵytynan taidyra almady.
Mianmanyń shekaralas aýdandaryn shamamen 20 etnikalyq qarýly top baqylaidy. Olardyń keibiri buryn eldiń qarýly kúshterimen qaqtyǵysqan.
