Mianmanyń qazirgi kóshbasshysy jáne memlekettiń syrtqy saiasat vedomstvosynyń basshysy Aýn San Sý Chji tamyz aiynda álemdi shýlatqan oqiǵalardan keiin birinshi ret musylmandar turatyn Rakhain shtatynda boldy, dep habarlaidy Baq.kz aqparat agenttigi VVS-ge silteme jasap.
Bir kúndik saparynda Sý Chji shtattyń birneshe qalasyn aralady. Al halyqpen kezdesý barysynda Mianma úkimeti men rohindja musylmandarynyń arasyndaǵy shielenisti sheshý úshin jaqynda qabyldaǵan jańa damý jospary týraly aitty.
«Damý jospary azamattyq úkimet pen jergilikti biznes toptardyń, sheteldik investorlardyń kómegimen júzege asyrylatyn bolady», dedi Sý Chji.
VVS News tilshisiniń aitýynsha, 25 tamyzdan beri 600 myń rohindja musylmandary Bangladeshke kóshken.
Biraq Mianma basshysy halyqpen kezdesý barysynda rohindjalardyń shetel asyp ketkeni týraly eshteńe aitpaǵanyn jazypty. Buǵan deiin Sý Chji shetel asyp ketken musylman rohindjalar elge qaita oralýyna bolatynyn aitqan. Biraq áskeri kúshtiń áreketinen qorqyp qalǵan halyq elge oralýǵa asyǵar emes. Al musylmandardy jappai qýdalaýdy qoldaityn rakhaindyq olardyń memleketke qaita oralýyna qarsy ekendikterin aitty.
Esterińizge sala ketsek, Mianma úkimeti men rohindja musylmandarynyń arasyndaǵy qaqtyǵys ondaǵan jyldar boiy jalǵasyp keledi. Onyń basty sebebi – rohindjalar memlekettiń azamaty retinde tirkele almaidy. Rohindja musylmandary halyqtyń basym kóligi býdda dinin ustanatyn Mianma elindegi etnostyq top sanalady. Al tamyz aiynda Mianma áskerileri politsiia bólimshelerine shabýyl jasap, 12 adamdy óltirgen bolatyn. Ol kezde Mianma basshylyǵy bul árekettiń qarapaiym azamattarǵa qarsy uiymdastyrylmaǵanyn aitqan. Al BUU rohindja musylmandaryna qarsy operatsiiany etnikalyq «tazalaý jumystary» dep ataǵan edi.
