ميانمانىڭ قازٸرگٸ كٶشباسشىسى جەنە مەملەكەتتٸڭ سىرتقى ساياسات ۆەدومستۆوسىنىڭ باسشىسى اۋن سان سۋ چجي تامىز ايىندا ەلەمدٸ شۋلاتقان وقيعالاردان كەيٸن بٸرٸنشٸ رەت مۇسىلماندار تۇراتىن راكحاين شتاتىندا بولدى, دەپ حابارلايدى Baq.kz اقپارات اگەنتتٸگٸ ۆۆس-گە سٸلتەمە جاساپ.
بٸر كٷندٸك ساپارىندا سۋ چجي شتاتتىڭ بٸرنەشە قالاسىن ارالادى. ال حالىقپەن كەزدەسۋ بارىسىندا ميانما ٷكٸمەتٸ مەن روحيندجا مۇسىلماندارىنىڭ اراسىنداعى شيەلەنٸستٸ شەشۋ ٷشٸن جاقىندا قابىلداعان جاڭا دامۋ جوسپارى تۋرالى ايتتى.
«دامۋ جوسپارى ازاماتتىق ٷكٸمەت پەن جەرگٸلٸكتٸ بيزنەس توپتاردىڭ, شەتەلدٸك ينۆەستورلاردىڭ كٶمەگٸمەن جٷزەگە اسىرىلاتىن بولادى», دەدٸ سۋ چجي.
ۆۆس News تٸلشٸسٸنٸڭ ايتۋىنشا, 25 تامىزدان بەرٸ 600 مىڭ روحيندجا مۇسىلماندارى بانگلادەشكە كٶشكەن.
بٸراق ميانما باسشىسى حالىقپەن كەزدەسۋ بارىسىندا روحيندجالاردىڭ شەتەل اسىپ كەتكەنٸ تۋرالى ەشتەڭە ايتپاعانىن جازىپتى. بۇعان دەيٸن سۋ چجي شەتەل اسىپ كەتكەن مۇسىلمان روحيندجالار ەلگە قايتا ورالۋىنا بولاتىنىن ايتقان. بٸراق ەسكەري كٷشتٸڭ ەرەكەتٸنەن قورقىپ قالعان حالىق ەلگە ورالۋعا اسىعار ەمەس. ال مۇسىلمانداردى جاپپاي قۋدالاۋدى قولدايتىن راكحايندىق ولاردىڭ مەملەكەتكە قايتا ورالۋىنا قارسى ەكەندٸكتەرٸن ايتتى.
ەستەرٸڭٸزگە سالا كەتسەك, ميانما ٷكٸمەتٸ مەن روحيندجا مۇسىلماندارىنىڭ اراسىنداعى قاقتىعىس ونداعان جىلدار بويى جالعاسىپ كەلەدٸ. ونىڭ باستى سەبەبٸ – روحيندجالار مەملەكەتتٸڭ ازاماتى رەتٸندە تٸركەلە المايدى. روحيندجا مۇسىلماندارى حالىقتىڭ باسىم كٶلٸگٸ بۋددا دٸنٸن ۇستاناتىن ميانما ەلٸندەگٸ ەتنوستىق توپ سانالادى. ال تامىز ايىندا ميانما ەسكەريلەرٸ پوليتسييا بٶلٸمشەلەرٸنە شابۋىل جاساپ, 12 ادامدى ٶلتٸرگەن بولاتىن. ول كەزدە ميانما باسشىلىعى بۇل ەرەكەتتٸڭ قاراپايىم ازاماتتارعا قارسى ۇيىمداستىرىلماعانىن ايتقان. ال بۇۇ روحيندجا مۇسىلماندارىنا قارسى وپەراتسييانى ەتنيكالىق «تازالاۋ جۇمىستارى» دەپ اتاعان ەدٸ.
