Foto: Aǵybai Aiapbergenov/Kazinform
Mádeniet jáne aqparat ministrligi mýzeiler men tarihi-mádeni nysandarǵa baratyn qazaqstandyqtardyń sanyn kóbeitý josparyn oryndai almaǵan. Bul týraly vedomstvonyń esebinde aitylǵan.
«Ulttyq statistika biýrosynyń statistikalyq derekteri boiynsha 2023 jyly mýzeiler men tarihi-mádeni mura obektilerine barýshylar sany 6 255 900 adam boldy. 2019 jyly jyly bul kórsetkish 6 829 300 adam bolǵan edi, iaǵni 8,4% az», - dep jazylǵan málimette.
Mádeniet jáne aqparat ministrliginiń 2023-2027 jyldarǵa arnalǵan Damý jospary boiynsha 2023 jyly mýzeige barýshylardyń sany 2019 jylǵy deńgeiden 2% kóp bolýy kerek edi. Osylaisha jospar oryndalmai qalǵan.
Resmi statistikaǵa sensek, pandemiiadan keiingi alǵashqy úsh jyldyń kórsetkishi mynandai:
2020 jyly – 2 351 300 adam,
2021 jyly – 5 104 900 adam,
2022 jyly – 6 097 300 adam.
