Qazaqstandyq ǵalym ǵylym men tehnologiia salasyndaǵy islamdyq ISESCO syilyǵynyń iegeri atandy.
Bilim berý, ǵylym men mádeniet boiynsha Islamdyq uiymnyń halyqaralyq syilyǵy (ISESCO) uiymǵa múshe memleketterdiń ǵalymdaryna biologiia, himiia, geologiia, matematika, fizika jáne ǵylymi tehnologiialar salasyna sińirgen ǵylymi-innovtsiialyq eńbegi úshin eki jylda bir ret taǵaiyndalady. Syilyqtyń quramyna sertifikat, altyn medal men aqshalai syiaqy kiredi.
Biyl matematikalyq modeldeý men tehnikalyq jáne áleýmettik-ekonomikalyq júielerdi basqarýda sińirgen eren eńbegi úshin bedeldi marapatqa qazaqstandyq ǵalym, ál-Farabi atyndaǵy QazUÝ rektory, akademik Ǵalym Mutanov ie boldy. Atalmysh marapat Ǵ.Mutanovtyń ǵylymi qyzmetiniń halyqaralyq dárejede ekeniniń dáleli.
ISESCO «Islamdyq konferentsiia» uiymymen 1979 jyly qurylǵan bolatyn. Búginde ol álemniń 50-den asa memleketiniń basyn biriktirip otyr. Halyqaralyq uiymnyń qyzmeti musylman memleketterindegi mádeniettiń, ǵylym men bilimniń damýyna jan-jaqty qoldaý kórsetýge baǵyttalǵan.
.jpeg)