Almatyǵa jasaǵan is-sapary barysynda QR Mádeniet jáne sport ministri Dáýren Abaev Ǵ. Músirepov atyndaǵy Qazaq memlekettik akademiialyq balalar men jasóspirimder teatryna jańa direktor taǵaiyndady, dep habarlaidy QazAqparat.
Jańa taǵaiyndaý týraly Mádeniet jáne sport ministri Facebook paraqshasynda jazdy.
«Almaty qalasyna jasaǵan is-sapar barysynda Ǵ. Músirepov atyndaǵy Qazaq memlekettik akademiialyq balalar men jasóspirimder teatryna bardym.
Teatrdyń jumysymen tanysyp, Esenaliev Talǵat Qamqabaiulyn atalǵan mádeni nysannyń direktory qyzmetine taǵaiyndadym»,- dep jazdy Dáýren Abaev.
Sondai-aq Mádeniet jáne sport ministri buǵan deiin teatrdyń damýyna aitarlyqtai eńbek sińirgen úshin Surapbaev Azamat Satybaldyulyna alǵys bildirip, jańa direktor Talǵat Qamqabaiulyna jaýapty qyzmette sáttilik tiledi.
QR Mádeniet jáne sport ministrligi taratqan málimetke sáikes,Talǵat Qamqabaiuly Esenaliev 1977 jyly dúniege kelgen. J.Elebekov atyndaǵy Respýblikalyq estrada – tsirk kolledjin «Akter jáne kórkemsóz oqý sheberi» mamandyǵy boiynsha bitirgen. Orta – AzialyqÝniversitetin «Qazaq tili men ádebiet pániniń oqytýshysy» mamandyǵy boiynsha, FGOÝDPO «RATI ishindegi Sahna óneri qairatkerleriniń joǵary mektebin» (Resei, Máskeý q.) «Sahna óneriniń sheberi» mamandyǵy boiynsha, Almaty úzdiksiz bilim berý ýniversitetin «Memlekettik jáne jergilikti basqarý» mamandyǵy boiynsha támamdaǵan. T.Júrgenov atyndaǵy Qazaq ulttyq óner akademiiasyn «Rejissýra» mamandyǵy boiynsha bitirgen. Ónertaný ǵylymdarynyń magistri.
Eńbek jolyn 1997-2003 jyldary – M.Áýezov atyndaǵy Qazaq memlekettik akademiialyq drama teatrynyń bas administratory bolyp bastaǵan.
2003-2015 jyldary – M.Áýezov atyndaǵy Qazaq memlekettik akademiialyq drama teatr direktorynyń birinshi orynbasary;
2015-2016 jyldary – Ǵ.Músirepov atyndaǵy Qazaq memlekettik akademiialyq balalar men jasóspirimder teatry direktorynyń birinshi orynbasary;
2016 jyldan MKQK «Memlekettik qýyrshaq teatrynyń» direktory qyzmetin atqarǵan.
