الماتىعا جاساعان ٸس-ساپارى بارىسىندا قر مەدەنيەت جەنە سپورت مينيسترٸ دەۋرەن اباەۆ ع. مٷسٸرەپوۆ اتىنداعى قازاق مەملەكەتتٸك اكادەمييالىق بالالار مەن جاسٶسپٸرٸمدەر تەاترىنا جاڭا ديرەكتور تاعايىندادى, دەپ حابارلايدى قازاقپارات.
جاڭا تاعايىنداۋ تۋرالى مەدەنيەت جەنە سپورت مينيسترٸ Facebook پاراقشاسىندا جازدى.
«الماتى قالاسىنا جاساعان ٸس-ساپار بارىسىندا ع. مٷسٸرەپوۆ اتىنداعى قازاق مەملەكەتتٸك اكادەمييالىق بالالار مەن جاسٶسپٸرٸمدەر تەاترىنا باردىم.
تەاتردىڭ جۇمىسىمەن تانىسىپ, ەسەناليەۆ تالعات قامقابايۇلىن اتالعان مەدەني نىساننىڭ ديرەكتورى قىزمەتٸنە تاعايىندادىم»,- دەپ جازدى دەۋرەن اباەۆ.
سونداي-اق مەدەنيەت جەنە سپورت مينيسترٸ بۇعان دەيٸن تەاتردىڭ دامۋىنا ايتارلىقتاي ەڭبەك سٸڭٸرگەن ٷشٸن سۇراپباەۆ ازامات ساتىبالدىۇلىنا العىس بٸلدٸرٸپ, جاڭا ديرەكتور تالعات قامقابايۇلىنا جاۋاپتى قىزمەتتە سەتتٸلٸك تٸلەدٸ.
قر مەدەنيەت جەنە سپورت مينيسترلٸگٸ تاراتقان مەلٸمەتكە سەيكەس,تالعات قامقابايۇلى ەسەناليەۆ 1977 جىلى دٷنيەگە كەلگەن. ج.ەلەبەكوۆ اتىنداعى رەسپۋبليكالىق ەسترادا – تسيرك كوللەدجٸن «اكتەر جەنە كٶركەمسٶز وقۋ شەبەرٸ» ماماندىعى بويىنشا بٸتٸرگەن. ورتا – ازيالىقۋنيۆەرسيتەتٸن «قازاق تٸلٸ مەن ەدەبيەت پەنٸنٸڭ وقىتۋشىسى» ماماندىعى بويىنشا, فگوۋدپو «راتي ٸشٸندەگٸ ساحنا ٶنەرٸ قايراتكەرلەرٸنٸڭ جوعارى مەكتەبٸن» (رەسەي, مەسكەۋ ق.) «ساحنا ٶنەرٸنٸڭ شەبەرٸ» ماماندىعى بويىنشا, الماتى ٷزدٸكسٸز بٸلٸم بەرۋ ۋنيۆەرسيتەتٸن «مەملەكەتتٸك جەنە جەرگٸلٸكتٸ باسقارۋ» ماماندىعى بويىنشا تەمامداعان. ت.جٷرگەنوۆ اتىنداعى قازاق ۇلتتىق ٶنەر اكادەميياسىن «رەجيسسۋرا» ماماندىعى بويىنشا بٸتٸرگەن. ٶنەرتانۋ عىلىمدارىنىڭ ماگيسترٸ.
ەڭبەك جولىن 1997-2003 جىلدارى – م.ەۋەزوۆ اتىنداعى قازاق مەملەكەتتٸك اكادەمييالىق دراما تەاترىنىڭ باس ادمينيستراتورى بولىپ باستاعان.
2003-2015 جىلدارى – م.ەۋەزوۆ اتىنداعى قازاق مەملەكەتتٸك اكادەمييالىق دراما تەاتر ديرەكتورىنىڭ بٸرٸنشٸ ورىنباسارى;
2015-2016 جىلدارى – ع.مٷسٸرەپوۆ اتىنداعى قازاق مەملەكەتتٸك اكادەمييالىق بالالار مەن جاسٶسپٸرٸمدەر تەاترى ديرەكتورىنىڭ بٸرٸنشٸ ورىنباسارى;
2016 جىلدان مكقك «مەملەكەتتٸك قۋىرشاق تەاترىنىڭ» ديرەكتورى قىزمەتٸن اتقارعان.
