Nazarbaev týraly baptardy qylmystyq kodeksten alyp tastala ma? Bul suraq Ortalyq kommýnikatsiialar alańynda Ádilet ministri Qanat Mýsinge qoiyldy, dep habarlaidy Ulysmedia.kz.
Aita keteiik, «Qazaqstannyń Tuńǵysh Prezidenti týraly» zań Konstitýtsiiadan alynyp tastalǵanymen, Qylmystyq kodekste burynǵy Prezident Nazarbaev jóninde baptar áli de bar.
Máselen, Qylmystyq kodekstiń 373-baby (Qazaqstan Respýblikasynyń Tuńǵysh Prezidenti – Elbasyn kópshilik aldynda qorlaý jáne onyń abyroiy men qadir-qasietine ózgedei qolsuǵýshylyq, Qazaqstan Respýblikasy Tuńǵysh Prezidenti – Elbasynyń beinesin búldirý, Qazaqstan Respýblikasy Tuńǵysh Prezidenti – Elbasynyń zańdy qyzmetine kedergi jasaý) jáne 374-baby (Qazaqstan Respýblikasynyń Tuńǵysh Prezidenti – Elbasyna tiispeýshilik kepildigin buzý) kúshinde. Bul baptar alynyp tastala ma degen suraqqa ministr ol baptar «eshqandai shyǵynǵa aparyp soqpaidy» dep jaýap berdi. Onyń aitýynsha, Konstitýtsiia onsyz da qazirgi de, burynǵy da prezidentterge «tiispeýshilikti» qamtamasyz etedi. Sol sebepti ministr bul baptardyń kúshin joiýdyń qajeti joq deidi.
«Bul baptardy zań turǵysynan qarastyratyn bolsaq, onda olar zańǵa eshqandai ziian keltirmeidi. Bul baptar Qazaqstan Respýblikasy Qylmystyq kodeksiniń osy babynyń qorǵaýynda bolatyn jeke sýbektini belgileidi. Joǵaryda aitqanymdai, Konstitýtsiia elimizdiń barlyq prezidentterine, onyń ishinde burynǵy prezidentterge tiispeýshilikke kepildik beredi. Tiispeýshilik dep qorlaýdan, ómirge qol suǵýdy aityp otyrmyn. Zań turǵysynan alǵanda, men olardy alyp tastaýdyń qajeti joq dep sanaimyn. Aldaǵy ýaqytta qylmystyq kodeksti qaita qaraý jumystaryn júrgizgende ǵalymdarmen, praktiktermen aqyldasyp, máselelerdi alqaly túrde sheshetin bolamyz. Ony ýaqyt kórsetedi», - dedi ol.
