Tsifrlyq damý jáne aeoǵarysh ónerkásibi ministri Baǵdat Mýsin Soltústik Qazaqstan oblysyna jumys sapary týraly Facebook-te jazba qaldyrdy, dep habarlaidy "Ult aqparat".
"Keshe Soltústik Qazaqstan oblysyna jumys saparymen keldim, birqatar nysandardy aralap óttim. Jalpy alǵanda óńirdiń tehnologiia men tsifrlandyrý turǵysynan qalai damyp jatqanyn bilý mańyzdy.
Prezident KPI-da 2025 jylǵa qarai Qazaqstanda 100 000 joǵary bilikti IT-mamandy daiyndaýdy belgilegen bolatyn. Birinshiden, biz kadrlardy jastaiynan qalyptastyrýymyz qajet. Oǵan mysal retinde oblystyń 2500-den astam balalary men stýdentteriniń túrli saladaǵy, sonyń ishinde robototehnika, baǵdarlamalaý, ǵylym, startaptar jáne t.b. baratyn jerine ainalǵan Petropavl Oqýshylar saraiyn aitýǵa bolady. Ázirge olardyń bilimi qyzyǵýshylyq deńgeiinde, biraq bolashaqta jaqsy nátijelerge jetip men budan da joǵary deńgeige ósý múmkindigi bar.
Men inkýbatsiialyq jobalarmen de tanystym. Mysaly, Mainkraft - balalar arasynda óte tanymal oiyn, onda petropavldyq mektep oqýshylary óz qalasyndaǵy nysandardy salady. Men Minecraft siiaqty oiyndardy qosymsha bilim retinde qoldanýǵa bolatynyn aita ketkim keledi, onda balalarǵa matematikany, ádebietti, biologiiadaǵy modeldeý júielerin jáne t.b. úiretýge bolady. Bul qiial siiaqty kórinýi múmkin, biraq Eýropa men AQSh-tyń birqatar mektepterinde Minecraft oqý úrdisine synaq retinde engizgen. Petropavldyq mektep oqýshylary jobasynyń taǵy bir mysaly retinde jeke sýarý júiesiniń jasalýyn aitýǵa bolady, ony jaqyn arada ortalyq aýmaqta engizý josparlanyp otyr. Soltústik Qazaqstan aýyl sharýashylyǵymen tanymal, meniń oiymsha, bul baǵytta IT jobalardy damytý qajet. Fermerden kassaǵa deiingi merdigerlerdiń uzaq tizbegin ainalyp ótip, aýyldy qalamen bailanystyrý mańyzdy. Jergilikti mektep oqýshylarynyń daiyn jobasy bul máseleni sheshe alady.
Oblys ákimimen Qumar Aqsaqalov Oqýshylar saraiynyń bazasynda baǵdarlamalaý mektebin ashýǵa kelistik. Oblysty tsifrlandyrýǵa atsalysqany úshin Qumar Yrǵybaiuly Aqsaqalovqa alǵys aitamyz" - deidi ministr.
Ol oblystyq IT qoǵamdastyqtyń ókilderimen kezdesip, tsifrlyq damý, memlekettiń róli jáne startaptardy qoldaý jóninde pikir almasqanyn daaitty.
"Mundai kezdesýler ásirese aimaqtyq IT mamandarynyń "kemshilikterin" túsiný úshin mańyzdy. Biz óz tarapymyzdan osy salany qoldaýdy kúsheitemiz, óńirlerde startaptardyń "uńǵymasy" jinalýda" - dep jazdy Mýsin.
Sondai-aq ministr alǵashqy otandyq kompiýterlik tehnikany shyǵarýmen aty shyqqan Kirov zaýytynda bolǵan. Sońǵy 2 jylda zaýyt 60 myńǵa jýyq kompiýterlik tehnika – kompiýterler, noýtbýkter men planshetter shyǵarǵan.
"Kompiýterlik tehnika, avtomatika qurylǵylary, telemehanika jáne arnaiy bailanys quraldarynan basqa, zaýytta ZIK-SKUD baǵdarlamasyn basqarý jáne baqylaý júiesin ázirlegen. Júie elektrondy qulyptardyń, týrniketter men shlagbaýmdardyń jumysyn basqarýǵa múmkindik beredi. Qazir kásiporyn qyzmetkerleri júieni intellektýaldy beinebaqylaý júiesimen jáne bet-álpetti tanýmen integratsiialaý boiynsha jumys jasaýda. «ZIK-SKÝD» quny búginde eń jaqyn sheteldik analogtardan 30-50% arzan.
«Zenchenko» tsifrlyq sharýa qojalyǵynda da boldym. Olar óndiris ónimdiligin eselep arttyratyn protsesterdi tsifrlandyryp, avtomattandyrýǵa qol jetkizdi. Tsifrlandyrýdyń arqasynda árbir siyrdyń súttiligi, saýlyǵy, qunarlylyǵy jáne búkil tabynnyń azyqtandyrýy týraly tolyq derekter bere otyryp, sút óndirý men minez-qulqynyń jan-jaqty beinesin alýǵa bolady.
Soltústik Qazaqstan oblysynyń Trýdovoe aýylynda 751 adam turady, uialy bailanys bar. Sonymen qatar, «Qazaqtelekom» aýyl turǵyndary úshin ákimdikte eQoldau qoǵamdyq qoljetimdilik núktesin ornatty. Qazirdiń ózinde elimizdiń 533 aýylynda mundai POD ornatylǵan. Olardyń kómegimen aýyl turǵyndary memlekettik qyzmetter men qyzmetterdi elektrondy formatta ala alady, qarjylyq operatsiialardy júzege asyrady, dárigerdiń qabyldaýyna jazylady, bazarlardan taýarlar men qyzmetterge tapsyrys berip, satyp alady" - dep túiindedi Mýsin.
