«Syrtqy naryqta aqsha taba alatyn jáne memlekettik biýdjetke kiris ákeletin IT naryq qalyptastyrǵym keledi, - deidi QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin.
Bul týraly ol óziniń Facebook paraqshasynda jazdy, dep habarlaidy "Ult aqparat".
«Keshe IT-naryqtaǵy ókildermen tehnikalyq kezdesý ótti. Júzdesýde men platformalyq modeldi engizý jáne IT júielerin qaita qaraý aiasynda qalai jumys isteitinimizdi ashyq aittym. Búgin men 2004 jyldan bastap memlekettik organdardyń biýdjetin igerip, eldiń aqparattyq júiesi qalai jumys isteitinin bilgisi keletinderdi shaqyrǵym keledi. Bizdegi naryq shashyrańqy jáne júieler jónsiz jumys isteidi degen áńgime ótken kúnniń enshisinde ekenin de aitqym keledi. Meniń ministr retindegi mindetim - el ishinde básekege qabiletti qyzmetterdi usyna alatyn myqty naryq qurý.
Men memlekettik biýdjetti paidalanyp qana qoimai, sonymen qatar syrtqy naryqta aqsha taba alatyn jáne memlekettik biýdjetke qarajat ákeletin IT naryǵyn oiatqym keledi. Árine eldegi básekeles naryqtyń oianyp, biz qabyldaǵan sheshimderge jaýap berip, oǵan qatysýǵa daiyn ekendigi qýantady. Keshe aitqanymdai, aqparattyq-kommýnikatsiialyq platforma jáne oǵan Sberbanktiń qatysý máselesi talqylanýda. Naryq qatysýshylary osyndai daiyn sheshimdi usyna almaityndyqtaryn moiyndady. Naqty sheshim shyqqansha qazirgi týyndaǵan máseleni birigip sheshýde jumys isteitin ortaq qural usynady degen senimdemin. Sondyqtan IT saladan tys júrgen sarapshylardyń ekiudai pikirine tikelei efirde jaýap berip ári UKP IT komitetiniń ókilderi Isin men Basheevtiń de usynystaryn tyńdaǵym keledi», - dep jazdy ministr.
