QR Tsifrlyq damý, innovatsiialar jáne aeroǵarysh ónerkásibi ministriniń mindetin atqarýshy, birinshi vitse-ministr Baǵdat Mýsin mamandandyrylǵan halyqqa qyzmet kórsetý ortalyqtaryǵady jemqorlyqpen kúrestiń jańa tásilin usyndy.
Bul týraly ol óziniń Facebook-tegi paraqshasynda jazdy, dep habarlaidy "Ult aqparat".
Vitse-ministrdiń jazýynsha, koronavirýs indetine bailanysty kórsetiletin memlekettik qyzmetter nemese halyqqa qyzmet kórsetý ortalyqtarynyń (HQKO) jumysy onlain rejimge kóshirildi. Kezekti hronologiia boiynsha onlain brondaý protsesi buryn eGov.kz portaly men Telegram-bot arqyly júzege asyrylyp keldi.
«Qazirgi tańda mamandandyrylǵan halyqqa qyzmet kórsetý ortalyqtarynda belgili bir somaǵa qandai da bir qyzmet túrlerin alýǵa «kómek» kórsetýshiler paida bolǵany eshkimge jasyryn emes. Iaǵni olar aldyn ala bron jasaidy da, óziniń kezegimen sizdiń qyzmet alýyńyzǵa múmkindik jasap, sol úshin sizden aqy alady. Mine, osyndai «kóleńkeli qyzmetterdiń» aldyn alý úshin kezekti brondaýdyń taǵy bir ádisi engizildi. Oǵan sizdiń jeke sáikestendirý nómirińiz kerek jáne HQKO qyzmetin 10 kúnde 1 rettten artyq paidalana almaityndai shekteý qoiyldy. Alaida, maǵan odan keiin de kezekti satý áreketteri áli de jalǵasyp kele jatqandyǵy týraly habar kelip túsip jatyr. Ótken aptanyń sońynda osy máselemen myqtap ainalysyp, Azamattarǵa arnalǵan úkimet/ Pravitelstvo dlia grajdan basshylyǵyna jemqorlyqpen bailanysty osyndai áreketterdiń aldyn alýǵa baǵyttalǵan jańa mehanizm iske qosylǵansha jaǵdaidy baqylaýda ustaýdy tapsyrdym. Jańa tásil boiynsha, kólik nómirine nemese satýshynyń bolmasa satyp alýshynyń JSN-ne tirkeý júrgiziledi»,-deidi Baǵdat Mýsin.
Osy rette ol atalǵan problema boiynsha, azamattardyń usynys, pikirleri bolsa tyńdaýǵa daiyn ekenin jetkizgen.
