Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Qazaqstanǵa jasalyp jatqan DdoS-shabýyldarǵa qatysty túsinikteme berdi, dep habarlaidy Sputnik Qazaqstan.
Ol sońǵy aptada Qazaqctandaǵy aqparat júielerine jasalyp jatqan DdoS-shabýyldardan elimizde internet jyldamdyǵy tómendegenin atap ótti.
"Osy shabýyldarǵa bailanysty memlekettiń resmi resýrstary men internet jelilerine belgili bir júkteme túsip otyr. Ishki kontýrdan shabýyldar syrtqyǵa qaraǵanda áldeqaida aiqynyraq. Sol sebepti bul syrtqy kontýrdan, iaǵni Qazaqstannan tys jasalyp otyrǵan shabýyldar ekeni anyq", - dedi Mýsin Úkimet kýlýarynda.
Ol ózi basqaratyn ministrlik aqparattyq qaýipsizdik salasyndaǵy memlekettik saiasatty qalyptastyratynyn aitty. Al shabýyldardy, olardyń sebebi men saldaryn joiýmen Memlekettik tehnikalyq qyzmet ainalysady.
"Olarda shabýyldarǵa toitarys berý úshin barlyq qural men resýrs bar. DDoS-shabýyl qaidan jasalyp jatqany, munyń artynda qandai uiym turǵany týraly bizde aqparat joq. Bul shabýyldardy uiymdastyratyndar proksi-serverlerdi, VPN-serverlerdi paidalanady, ózgelerdiń atyn jamylýǵa tyrysady. Belgili bir tetikteri bar", - dedi ministr.
Qyrkúiek aiynyń sońynda Memlekettik tehnikalyq qyzmet birneshe kúnnen beri qazaqstandyq internet segmentine kiber shabýyldar jasalyp jatqanyn habarlady. Maqsatty kibershabýyldar eldiń memlekettik organdaryna jáne Qaznetti infraqurylymyna baǵyttalǵan.
Kiber shabýyl saldarynan internet bailanysynyń nasharlaýy baiqaldy. "Memlekettik tehikalyq qyzmet" AQ kibershabýyldar álemdegi jáne eldegi oqiǵalarmen bailanysty dep topshylaǵan bolatyn.
