© Photo : Rixabay/geralt
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin qazaqstandyqtardy mobildi internetti únemdeýge shaqyrdy, dep habarlaidy Sputnik Qazaqstan agenttigi.
"Qazaqstandyqtar 15-20 gigabait aqparat tutynyp úirenip qalǵan. Biraq únemdeiikshi. Mobildi internet qymbat ekenin túsinýimiz kerek. Úige kelgende Wi-Fi-ǵa qosylý kerek. Únemdeý mádenieti degen bolýǵa tiis", - dedi Mýsin Úkimet kýlýarynda.
Onyń aitýynsha, internet te sý siiaqty taýsylatyn resýrs.
"Ol da taýsylady, sebebi bazalyq stantsiia mobildi qurylǵylardyń belgili bir sanyn qosady. Eger mobildi qurylǵylardyń sany asyp ketse, árine, bailanys nasharlai bastaidy. Al ekinshi bazalyq stantsiiany ornatý úshin ájeptáýir investitsiia qajet", - deidi Tsifrlyq damý ministri.
Buǵan deiin Baǵdat Mýsin Astana internet jyldamdyǵy jaǵynan Tokiony basyp ozǵanyn málimdegen edi.
