Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin internettiń nasharlaýyn kibershabýyldarǵa qarsy júrgizilip jatqan jumystarmen bailanystyrdy, dep habarlaidy Sputnik Qazaqstan.
Qyrkúiek aiynyń sońynda Qaznetke kibershabýyl jasalǵany belgili boldy. Ministrdiń aitýynsha, qazir osyndai kibershabýyldarǵa tótep berý úshin tiisti sharalar júrgizilip jatyr.
"Kibershabýylǵa tótep berý úshin jaǵdaiymyzdy túzetýimiz kerek. Sol sebepti osyndai jaǵdai kezinde azdap problema týyndaýy múmkin. Oǵan qosa, bul tek memlekettik organdardyń internet resýrstaryn ǵana emes, búkil qazaqstandyq infraqurylymdy saqtap qalý úshin jasalyp jatqan sharalar. Bizdiń eń basty mindetimiz – Qazaqstannyń barlyq resýrsyn qorǵaý", - dedi Mýsin Úkimet kýlýarynda.
Ministr memlekettik infrqurylymǵa ǵana emes, keibir BAQ saittaryna da shabýyl jasalǵanyn atap ótti. Sol sebepti osyndai kibershabýyldardy boldyrmaý úshin aqparattyq qaýipsizdiktiń deńgeiin arttyrý qajet.
"Qazir qazaqstandyqtarda internet qalai ustasa, mende de solai. Jumys istep jatyrmyz, kei kezde aqaý bolady, ony bárimiz sezip jatyrmyz. Biraq sál kútý kerek. Eger kibershabýyl kóbeiip ketse, infraqurylym quryp, múlde jumys istemei qalýy múmkin. Jalpy alǵanda internet jumys istep tur, joq dep aitýǵa bolmaidy", - dedi ol.
