تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ينتەرنەتتٸڭ ناشارلاۋىن كيبەرشابۋىلدارعا قارسى جٷرگٸزٸلٸپ جاتقان جۇمىستارمەن بايلانىستىردى, دەپ حابارلايدى Sputnik قازاقستان.
قىركٷيەك ايىنىڭ سوڭىندا قازنەتكە كيبەرشابۋىل جاسالعانى بەلگٸلٸ بولدى. مينيستردٸڭ ايتۋىنشا, قازٸر وسىنداي كيبەرشابۋىلدارعا تٶتەپ بەرۋ ٷشٸن تيٸستٸ شارالار جٷرگٸزٸلٸپ جاتىر.
"كيبەرشابۋىلعا تٶتەپ بەرۋ ٷشٸن جاعدايىمىزدى تٷزەتۋٸمٸز كەرەك. سول سەبەپتٸ وسىنداي جاعداي كەزٸندە ازداپ پروبلەما تۋىنداۋى مٷمكٸن. وعان قوسا, بۇل تەك مەملەكەتتٸك ورگانداردىڭ ينتەرنەت رەسۋرستارىن عانا ەمەس, بٷكٸل قازاقستاندىق ينفراقۇرىلىمدى ساقتاپ قالۋ ٷشٸن جاسالىپ جاتقان شارالار. بٸزدٸڭ ەڭ باستى مٸندەتٸمٸز – قازاقستاننىڭ بارلىق رەسۋرسىن قورعاۋ", - دەدٸ مۋسين ٷكٸمەت كۋلۋارىندا.
مينيستر مەملەكەتتٸك ينفرقۇرىلىمعا عانا ەمەس, كەيبٸر باق سايتتارىنا دا شابۋىل جاسالعانىن اتاپ ٶتتٸ. سول سەبەپتٸ وسىنداي كيبەرشابۋىلداردى بولدىرماۋ ٷشٸن اقپاراتتىق قاۋٸپسٸزدٸكتٸڭ دەڭگەيٸن ارتتىرۋ قاجەت.
"قازٸر قازاقستاندىقتاردا ينتەرنەت قالاي ۇستاسا, مەندە دە سولاي. جۇمىس ٸستەپ جاتىرمىز, كەي كەزدە اقاۋ بولادى, ونى بەرٸمٸز سەزٸپ جاتىرمىز. بٸراق سەل كٷتۋ كەرەك. ەگەر كيبەرشابۋىل كٶبەيٸپ كەتسە, ينفراقۇرىلىم قۇرىپ, مٷلدە جۇمىس ٸستەمەي قالۋى مٷمكٸن. جالپى العاندا ينتەرنەت جۇمىس ٸستەپ تۇر, جوق دەپ ايتۋعا بولمايدى", - دەدٸ ول.
