Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin eGov Mobile qosymshasy arqyly zeinetaqy jinaǵyn qalai baqylaýǵa bolatynyn kórsetti, dep habarlaidy "Ult aqparat".
Ministr Facebook paraqshasynda zeinetaqy jinaǵyna arnalǵan video jariialady.
«eGov Mobile qosymshasyn paidalanýshylar. Sizderdiń suraý salýlaryńyzǵa qarai buryn jiberilgen BJZQ (Biryńǵai jinaqtaýshy zeinetaqy qory) arqyly óz zeinetaqy jinaǵyńyzdyń jai-kúiin bilý týraly beineni - qazaq tilinde kórsetemin», - dedi Baǵdat Mýsin.
Eske sala ketsek taiaýda zeinetaqy jinaqtaryn SMS arqyly tekserý boiynsha BJZQ-nyń jańa qyzmeti iske qosylǵan bolatyn. Salymshylarǵa yńǵaily bolý úshin BJZQ turǵyn úi jaǵdailaryn jaqsartýǵa, emdelýge aqy tóleý, sondai-aq, jeke basqarýshy kompaniialarǵa investitsiialyq basqarýǵa berý úshin qoljetimdi zeinetaqy jinaqtary týraly aqparat alýǵa bolatyn jańa qosymsha servisti iske qosty.
