QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin oqýshylardyń sómkesin jeńildetý úshin planshetti jalǵa berýdi usyndy, dep habarlaidy QazAqparat.
«Áriptesim Ashat Qanatuly (QR Oqý-aǵartý ministri – Ashat Aimaǵambetov – red.) usynǵandai, «Aýyr riýkzaktar» men mektepterdegi tsifrlandyrý deńgeiin arttyrý máseleleri planshet qoldaný arqyly sheshimin tabýy múmkin. Planshetter tsifrlyq oqýlyq retinde nemese úiden onlain bilim alý quraly retinde qoldanýǵa oń áserin tigizedi», - dedi Mýsin Úkimet otyrysynda.
Ministrdiń aitýynsha, mundai ádis birqatar damyǵan elderde, onyń ishinde Ulybritaniia, Norvegiia, Ońtústik Koreia jáne Túrkiianyń mektepterinde jaqsy nátijege ákelgen. Buǵan qosa, oqýshylar úshin shyǵarmashylyq pánder boiynsha óz kontentin jasaýǵa múmkindik beredi.
«Atalǵan elderde osy sheshim negizinde óńirler arasyndaǵy «tsifrlyq» teńsizdikti tómendetý, oqýshylardyń riýkzaktaryn jeńildetý baǵytynda maqsat qoiyldy. Bizdiń usynys – 2023 jyly 400 myńnan astam birinshi synyp oqýshysyn servistik model arqyly planshettermen qamtamasyz etý», - dedi ol.
Usynylyp otyrǵan mehanizmniń birqatar artyqshylyǵy bar.
«Birinshiden, servistik modeldi paidalaný tikelei satyp alýǵa qaraǵanda bastaýysh synyptarda 4 jylǵa arnalǵan kelisimshart somasyn bólý arqyly biýdjetke júkteme azaiady. Bul mehanizm halyq pen biznes arasynda telefondar men planshetterdi satyp alý kezinde belsendi tapsyrysqa ie. Ekinshiden, planshetterdi jalǵa berý qyzmetinen basqa, oqýshylar úshin arnaiy tarifpen mobildi internet, planshetterdiń úzdiksiz jumysyn qamtamasyz etý úshin servistik qyzmet satyp alynady.
Úshinshiden, ruqsat etilgen onlain resýrstar tizimi, iaǵni «aq internet» qashyqtan jańartylyp otyrady. Eń bastysy, sheteldik óndiristerge táýeldilikti azaitý maqsatynda, bul mehanizm tek otandyq óndirýshiler úshin ǵana qoljetimdi bolady», - dedi Baǵdat Mýsin.
Bul rette otandyq óndeýdi 3 kezeńge bólý usynylady.
«Birinshi kezeń - elimizde negizgi komponentterdi qurastyrý jelisin ornatý jáne odan mamandar daiarlaýdy qamtidy. Ekinshi kezeńde jańa mamandardy oqytý úshin joǵary oqý oryndarymen jáne kolledjdermen sinergiia qajet. Úshinshi kezeń – planshetterdi jasaý kezinde praktikalyq qoldanýǵa baǵyttalǵan R&D jumystarynyń jiyntyǵyn qamtidy. Bul kezeńde ýniversitet túlekteri mikroelektronika salasynda jańa ónimderdi jasaýǵa qatysady», - dep túsindirdi Tsifrlyq damý ministri.
Baǵdat Mýsin Oqý-aǵartý ministrligimen birlesip, biylǵy 15 qarashaǵa deiingi planshetterge qoiylatyn negizgi talaptardy, onyń ishinde internetke qol jetkizýge arnalǵan senimdi saittar tizimin bekitýdi, oqýshylarǵa planshetterdi satyp alý men berýdiń jyl saiynǵy mehanizmin anyqtaýdy usyndy.
«Qarjy ministrligimen birlesip, biylǵy 1 jeltoqsanǵa deiin servistik model boiynsha planshetterdi satyp alý máselesin pysyqtaý kerek. Bizdiń ministrlik bailanys operatorlarymen birlesip, planshetter men internettiń úzdiksiz jumys isteýi úshin servistik qyzmet kórsetýdi qamtamasyz etsin», - dedi ministr.
