قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين وقۋشىلاردىڭ سٶمكەسٸن جەڭٸلدەتۋ ٷشٸن پلانشەتتٸ جالعا بەرۋدٸ ۇسىندى, دەپ حابارلايدى قازاقپارات.
«ەرٸپتەسٸم اسحات قاناتۇلى (قر وقۋ-اعارتۋ مينيسترٸ – اسحات ايماعامبەتوۆ – رەد.) ۇسىنعانداي, «اۋىر ريۋكزاكتار» مەن مەكتەپتەردەگٸ تسيفرلاندىرۋ دەڭگەيٸن ارتتىرۋ مەسەلەلەرٸ پلانشەت قولدانۋ ارقىلى شەشٸمٸن تابۋى مٷمكٸن. پلانشەتتەر تسيفرلىق وقۋلىق رەتٸندە نەمەسە ٷيدەن ونلاين بٸلٸم الۋ قۇرالى رەتٸندە قولدانۋعا وڭ ەسەرٸن تيگٸزەدٸ», - دەدٸ مۋسين ٷكٸمەت وتىرىسىندا.
مينيستردٸڭ ايتۋىنشا, مۇنداي ەدٸس بٸرقاتار دامىعان ەلدەردە, ونىڭ ٸشٸندە ۇلىبريتانييا, نورۆەگييا, وڭتٷستٸك كورەيا جەنە تٷركييانىڭ مەكتەپتەرٸندە جاقسى نەتيجەگە ەكەلگەن. بۇعان قوسا, وقۋشىلار ٷشٸن شىعارماشىلىق پەندەر بويىنشا ٶز كونتەنتٸن جاساۋعا مٷمكٸندٸك بەرەدٸ.
«اتالعان ەلدەردە وسى شەشٸم نەگٸزٸندە ٶڭٸرلەر اراسىنداعى «تسيفرلىق» تەڭسٸزدٸكتٸ تٶمەندەتۋ, وقۋشىلاردىڭ ريۋكزاكتارىن جەڭٸلدەتۋ باعىتىندا ماقسات قويىلدى. بٸزدٸڭ ۇسىنىس – 2023 جىلى 400 مىڭنان استام بٸرٸنشٸ سىنىپ وقۋشىسىن سەرۆيستٸك مودەل ارقىلى پلانشەتتەرمەن قامتاماسىز ەتۋ», - دەدٸ ول.
ۇسىنىلىپ وتىرعان مەحانيزمنٸڭ بٸرقاتار ارتىقشىلىعى بار.
«بٸرٸنشٸدەن, سەرۆيستٸك مودەلدٸ پايدالانۋ تٸكەلەي ساتىپ الۋعا قاراعاندا باستاۋىش سىنىپتاردا 4 جىلعا ارنالعان كەلٸسٸمشارت سوماسىن بٶلۋ ارقىلى بيۋدجەتكە جٷكتەمە ازايادى. بۇل مەحانيزم حالىق پەن بيزنەس اراسىندا تەلەفوندار مەن پلانشەتتەردٸ ساتىپ الۋ كەزٸندە بەلسەندٸ تاپسىرىسقا يە. ەكٸنشٸدەن, پلانشەتتەردٸ جالعا بەرۋ قىزمەتٸنەن باسقا, وقۋشىلار ٷشٸن ارنايى تاريفپەن موبيلدٸ ينتەرنەت, پلانشەتتەردٸڭ ٷزدٸكسٸز جۇمىسىن قامتاماسىز ەتۋ ٷشٸن سەرۆيستٸك قىزمەت ساتىپ الىنادى.
ٷشٸنشٸدەن, رۇقسات ەتٸلگەن ونلاين رەسۋرستار تٸزٸمٸ, ياعني «اق ينتەرنەت» قاشىقتان جاڭارتىلىپ وتىرادى. ەڭ باستىسى, شەتەلدٸك ٶندٸرٸستەرگە تەۋەلدٸلٸكتٸ ازايتۋ ماقساتىندا, بۇل مەحانيزم تەك وتاندىق ٶندٸرۋشٸلەر ٷشٸن عانا قولجەتٸمدٸ بولادى», - دەدٸ باعدات مۋسين.
بۇل رەتتە وتاندىق ٶندەۋدٸ 3 كەزەڭگە بٶلۋ ۇسىنىلادى.
«بٸرٸنشٸ كەزەڭ - ەلٸمٸزدە نەگٸزگٸ كومپونەنتتەردٸ قۇراستىرۋ جەلٸسٸن ورناتۋ جەنە ودان ماماندار دايارلاۋدى قامتيدى. ەكٸنشٸ كەزەڭدە جاڭا مامانداردى وقىتۋ ٷشٸن جوعارى وقۋ ورىندارىمەن جەنە كوللەدجدەرمەن سينەرگييا قاجەت. ٷشٸنشٸ كەزەڭ – پلانشەتتەردٸ جاساۋ كەزٸندە پراكتيكالىق قولدانۋعا باعىتتالعان R&D جۇمىستارىنىڭ جيىنتىعىن قامتيدى. بۇل كەزەڭدە ۋنيۆەرسيتەت تٷلەكتەرٸ ميكروەلەكترونيكا سالاسىندا جاڭا ٶنٸمدەردٸ جاساۋعا قاتىسادى», - دەپ تٷسٸندٸردٸ تسيفرلىق دامۋ مينيسترٸ.
باعدات مۋسين وقۋ-اعارتۋ مينيسترلٸگٸمەن بٸرلەسٸپ, بيىلعى 15 قاراشاعا دەيٸنگٸ پلانشەتتەرگە قويىلاتىن نەگٸزگٸ تالاپتاردى, ونىڭ ٸشٸندە ينتەرنەتكە قول جەتكٸزۋگە ارنالعان سەنٸمدٸ سايتتار تٸزٸمٸن بەكٸتۋدٸ, وقۋشىلارعا پلانشەتتەردٸ ساتىپ الۋ مەن بەرۋدٸڭ جىل سايىنعى مەحانيزمٸن انىقتاۋدى ۇسىندى.
«قارجى مينيسترلٸگٸمەن بٸرلەسٸپ, بيىلعى 1 جەلتوقسانعا دەيٸن سەرۆيستٸك مودەل بويىنشا پلانشەتتەردٸ ساتىپ الۋ مەسەلەسٸن پىسىقتاۋ كەرەك. بٸزدٸڭ مينيسترلٸك بايلانىس وپەراتورلارىمەن بٸرلەسٸپ, پلانشەتتەر مەن ينتەرنەتتٸڭ ٷزدٸكسٸز جۇمىس ٸستەۋٸ ٷشٸن سەرۆيستٸك قىزمەت كٶرسەتۋدٸ قامتاماسىز ەتسٸن», - دەدٸ مينيستر.
